وۆرکشۆپی شیبۆری لەگەڵ گرووپی دروومان بەڕێوەچوو

وێنە: مارینا مارکۆڤا

ڕۆژی ٤ی ئۆکتۆبەری ٢٠٢٤ کۆمەڵەکەمان وۆرکشۆپێکی بۆ ژنانی گرووپی دروومان و منداڵەکانیان، لە سەنتەری خێزانی ڕەنگین لە بەرلین ساز کرد.

شیبۆری، تەکنیکێکی بۆیاخکردنی نەریتییە لای ژاپۆنییەکان. قوماش گرێ دەدرێت و دەگنجێندرێت، دواتر ئافرێنەرانە ڕەنگ دەکرێت. لە ئەنجامدا نەخشی ناوازەی هونەری لەسەر قوماشەکە دروست دەبن.

ئەم وۆرکشۆپە لە چوارچێوەی بەرنامەی "کالایدۆسکۆپ - جڤاکی سڤیل لە جووڵەدا" بە هاوکاری کۆمەڵەی کۆپکولتوور ساز کرا. هەروەها بەڕێوەبەرایەتیی سێنات بۆ کاروباری کار، سۆسیال، یەکسانی، ئینتەگراسیۆن، فرەڕەنگی و دژەهەڵاواردن پشتگیریی دارایی پڕۆژەکەی کرد.