Kargeh li ser mijara “Bihêzkirina Kurdan ji bo Beşdariya Jiyana Civakî”

Di 28ê Cotmeha 2023an de li Navenda Malbatan a Rengîn li Berlînê bi awayeke serkeftî kargeha me ya li ser mijara “Bihêzkirina Kurdan ji bo Beşdariya Jiyana Civakî” pêk hat.

Kargeh ji aliyê Tora Kurdî ve hat lidarxistin ku ji hêla komeleya me ve tê kordînekirin. Kargeh ku ji aliyê axaftvana pispor Fatma Keser ve dihat birêvebirin, rastî eleqeyeke mezin hat.

Ev mijar di kargehê de bûn rojev: Pirsgirêkên beşdariya civakî ya di nav Kurdan de û tedbîrên gengaz ên ji bo xurtkirina vê yekê, motîvasyon û daxwazên kesane. Li ser vê bingehê stratejiyên çareseriyê bi hev re hatin pêşxistin. Di dawiya kargehê de beşdaran belgeya beşdarbûnê wergirtin.

Em spasiya ”House of Resources Berlin” dikin ji bo piştgirîya wê ya darayî.