Roja dawî ya kursa me ya jinan MIA-Kurs li Herfordê

11ê Berfanbarê roja dawî ya dewreyek din a kursa me ya jinan MIA-Kursê bû li Herfordê. Ev kurs ji aliyê şaxa Yekmalê ya Herfordê tê organîzekirin û Rêveberîya Koç û Penaberan a Federal (BAMF) piştgiriya wê ya darayî dike.

Beşdarên kursê beriya ku serdana bazara Krîsmesê (Weihnachtsmarkt) ya li bajêr bikin, bi hev re bi taştê dest bi rojê kirin. Bazara Krîsmesê ya li Gänsemarkt a Herfordê îsal bi sernavê “1001 Şev – Krîsmesa Çandan” û bi holikên cûrbicûr yên ji çandên cuda hat vekirin.

Beşdarên kursê eleqeyeke taybetî nîşanî dîmenên cejna Dîwalî ya Hindistanê, “konê Bedûyan” bi destê Fatima û cejna Êzî (Cejna Êzîd) ya êzîdiyan dan.

Cejna Êzî yek ji 3 cejnên êzîdiyan e ku di 3 hefteyên destpêka meha Berfanbarê de tên pîrozkirin. Êzîdî berî her yek ji wan cejnan, sê rojan dikevin rojiyê. Di hefteya yekem de cejna Şêşims tê pîrozkirin, piştî wê cejna Xudan û di hefteya sêyem de jî cejna Êzî tê pîrozkirin.