Şahiya Newrozê ya Zarok û Malbatan li Berlînê

Newroz nîşaneya rojek nû ye...
Newroz destpêka biharê û vejîna xwezayê ye...
Newroz hêvî, aşitî û azadî ye...

Hizaran sal in gelê Kurd cejna Newrozê wek sembola destpêka biharê, vejîna xwezayê, hêvî, aşitî û azadiyê pîroz dike.
Îsal jî Navenda Malbatan a Rengînê û herdu Zaroxaneyên me yên Pîyayê yên li Berlînê, zarok û malbatan vedixînin ji bo ku bi hev re vê cejna taybet pîroz bikin. Di bernameyê de performansên muzîkê û dansê yên zaroxaneyên me û komên me hene. Di dawiyê de em li Civili-Park’ê şahiya xwe pêk tînin. Li wir tevî xwarin û vexwarinê, stand û çalakiyên afirîner tên pêşkêşkirin. Kêliya herî taybet jî pêxistina agirê Newrozê ye.

Werin em bi hev re bi muzîk, dans, çalakiyên xweş bixêrhatina biharê, Newroz û sersala Kurdî bikin. Em dê kêfxweş bibin bi dîtina we di vê roja taybet de.

Roj: 22yê Adara 2025an

- Performansa zarokan (Muzîk, Dans, Vîdeo)
Dem: 12:00 – 14:00
Cîh: Familienzentrum Adalbertstraße, Adalbertstraße 23b, 10997 Berlin

- Şahiya li Civili-Parkê
Dem: 14:00 – 17:00
Cîh: Waldemarstraße 57, 10997 Berlin