Yekmal serdana parlemantera Berlînê Klara Schedlich dike

Duh 06ê Hezîrana 2024an, şandeke komeleya me serdana Klara Schedlich endama Koma Keskan li Parlemantoya Berlînê kir. Şanda me ji rêvebera giştî ya Yekmalê Günay Daricî, rêveberê Akademiya Yekmalê Şerîf Derînce, karmendê pêşxistina ziman ê hêlîna me ya Pîya Kreuzbergê Dr. Yaşar Kirgiz û herweha Willi Stotzka ji Sendîkaya Perwerdehî û Zanistê ya Berlînê pêk hatibû.

Berî çend hefteyan birêz Schedlich û birêz Stotzka serdana me kiribûn û em li ser mijara pirzimanî û hînkirina zimanê yekem/dayikê li dibistanên Berlînê nîqaş kiribûn. Herweha me behsa zimanên bêdewlet ên wekî Kurdî û Romanî jî kiribû. Piştî hevdîtina me jî, birêz Schedlich li ser mijara “Dersên bi zimanê dayikê: balkişandina ser zimanên bêdewlet” pirseke nivîskî pêşkêşî Senatoya Berlînê kir.

Di hevdîtina me ya duh de, em li ser bersiva vê pirsê axivîn. Gelek spas ji birêz Schedlich re ji bo hewildan û piştgiriya wê û herweha spas ji bo pêşwaziya dostane ya rêvebera ofîsa wê birêz Felicitas Stelzer. Spasiyek taybetî jî ji birêz Willi Stotzka re ji bo rêberî, şêwirmendî û piştgiriya wî.