Çalakiya ''Welcome-Baby'' li Navendên Malbatan

Malbatên ku temenê zarokên wan heta dibistana seretayî ne, dikarin li Navendên Malbatan ên Yekmalê li Berlînê, di karûbarên jiyana rojane ya malbatê de gelek derfetên danûstandin û piştgiriyê bibînin.

Di vê çarçoveyê de, roja 21ê Gulana 2025an çalakiyek taybet bi sernavê "Welcome Baby / Bi xêr hatî Bebek'' hat lidarxistin. Ev çalakî bi taybetî ji bo dê û bav û malbatên bû ku pitikên wan hene an li bendê ne. Armanc ew bû ku em rajeyên xwe bidin nasîn û gihîştina şêwirmendî û agahdariyê hêsan bikin – bi taybet di aliyê alîkariya zû-dem de.

Li herdu navendên malbatî yên Rengîn û High-Deck ên girêdayî Yekmalê de, malbatên ciwan jî derfet dîtin ku di atmosferek rihet de li ser şêwirmendiya me ya ducaniyê û bernameya mehane ya herdu navendan hayîdar bibin.

Şêwirmendiya Navçandî ji bo Jinên Ducan a Yekmalê bi awayek hestyar li gor pirzimanî û çandî li ser ducaniyê, jidayîkbûn, lênêrîna tendirustiyê, xwarin, pirsgirêkên qanûnî û rajeyên piştgiriyê di dema zehmetiyên ducaniyê de agahiyan pêşkêş dike. Armanc ew e ku malbat di destpêkê de xurt bibin û rewşên jiyanê yên takekesî werin berçavgirtin.

Em spasiya hemû malbatan dikin ji bo eleqeya wan û li benda çalakiyên pêşerojê ne!