Yekemîn kursa MiA'yê ya 2025an hat pêkanîn

Di navebra 7ê Gulanê heta 27ê Hezîranê de, yekemîn kursa MiA'yê ya sala 2025an li şaxa me ya Essenê bi sernavê "Ez li vir im!" pêk hat.

MiA-Kurs kurseke bihêzkirin û axaftina bi zimanê Almanî ya di asta seretayî de ye ku bi taybetî ji bo jinan hatiye amadekirin. Armanca wê ew e ku serxwebûn û jêhatîbûna zimanî ya jinan xurt bike û jiyana rojane ya li Almanyayê ji bo wan hêsantir bike.

Kurs ji aliyê jinan ve ji bo jinan tê pêşkêşkirin. Ev kurs ji bo danûstandin, piştgirî û bi hev re fêrbûnê cîhek ewle diafirîne. Rêvebera kursa me Hülya Ciğerli, di çarçoveya kursê de di du geştan de ji bo Muzexaneya Folkwang û Pirtûkxaneya Bajarê Essenê rêberiya beşdaran kir.

Herweha me bi beşdaran re rahênanek pêk anî ku tê de hevparên axaftinê hatin guherandin da ku beşdar bêhtir çalak bibin û dersê zindîtir bikin.