Pîrozbahiya Yekmalê bo Cem Özdemir

Cem Özdemir / Wêne ji: dpa

Yekîtiya Malbatên ji Kurdistanê li Almanyayê (Yekmal) bi germî Cem Özdemir ê ji Partiya Keskan (Bündnis 90/Die Grünen) pîroz dike ji ber serkeftina wî ya di hilbijartina eyaleta Baden-Württemberg de.

Wekî rêxistineke koçberan, em pêşwaziya wê yekê dikin ku Cem Özdemir, siyasetmedarek bi paşxana koçberiyê û bi salan di xebata demokratîk de, dibe Serokwezîrê Eyaletê. Serkeftina wî ya di hilbijartinê de peyamek girîng e ji bo civakek cihêreng ku tê de mirovên bi paşxanên cûda berpirsiyariyê digirin ser xwe û beşdariyê di pêvajoyên siyasî de dikin.

Bi taybetî di demên ku polarîzasyona civakî zêde dibe de, girîng e ku demokrasî, cihêrengî û hevgirtina civakî bi awayekî çalak were hêzdarkirin. Rêxistinên koçberan di vê yekê de roleke girîng dilîzin. Em ji bo beşdarbûnê derfetan diafirînin, tevlîbûna sivîl pêş dixin û di navbera civatan, civaka sivîl û siyasetê de piran ava dikin.

Em ji birêz Özdemir re hêviya hêz û serkeftinê dixwazin di berpirsyariya xwe ya nû de.

Komeleya Yekmalê

10. März 2026