Komeleya Yekmalê li Diyaloga Navçandî

Beşa Beşdarî û Civatsaziyê ya komeleya Yekmalê di 5ê Hezîrana 2026an de bi standa xwe beşdarî "Diyaloga Navçandî - Li ku Pirrengî dibe Pêşeroj" bû ku li Berlin Global Village hat lidarxistin. Çalakî ku ji aliyê Yeşil Çember ve hat destpêkirin, rêxistinên koçberan, nûnerên ji strukturên civatî, civaka sivîl û siyasetê anîn cem hev da ku li ser hevpariya navçandî, beşdariya civakî û veguherîna civakî-ekolojîk gotûbêj bikin. Yek ji mijarên serek ew bû ku rêxistinên koçberan ne tenê di van pêvajoyên pêşerojê de tên hesibandin, lê di heman demê de wekî dengek girîng, xwedî ezmûn û şêwedêrên pêşerojê bi awayekî çalak beşdar dibin.

Li standa xwe, me agahî li ser xebatên Yekmalê û bi taybetî beşa Beşdarî û Civatsaziyê da. Bi vî awayî, me karibû nîşan bidin ka em li Yekmalê çawa derfetên wisa ava dikin ku mirovên xwedî ezmûna koçberî û penaberiyê ne tenê wekî komek berdeng werin hesibandin, lê dikarin bi awayekî çalak bi perspektîf, ezmûn û fikarên xwe beşdar bibin û bi hev re pêşve bibin. Bi taybetî di çarçoveya çalakiyekê de ku cihêrengiyê wekî mijareke pêşerojê dibîne, ji bo me girîng bû, em nîşan bidin ku pirrengî li cihekî wisa bi bandor dibe ku mirov bi awayekî rastîn bikarin beşdar bin, biryara hevbeş bidin û bi hev re şêwe bidin pêşerojê.