Serdana komên me yên civaka Kurd di hefteya borî de ji bo Spore Hausê ya li Berlînê derfet çê kir ku em xebatên Înîsiyatîfa Sporê baştir nas bikin. Ev înîsiyatîf di qada dadperweriya avhewa, vejîna ekolojîk û perwerdehiyê de tevdigere û bi bernameyên xwe yên çandî û fêrkariyê cihêrengiya biyokulturî pêş dixe.
Di seredanê de, em di nava salona pêşangeha “Asta Avê – Water Bodies” de geriyan ku li ser pirsgirêkên kêmbûna avê li Kurdistanê radiweste. Di vê çarçoveyê de, me rehendên siyasî yên kêmbûna avê, pratîkên kolektîf ên ekolojîk û ezmûnên kesane yên ji Kurdistanê nîqaş kirin.
Herweha me serdana baxçeyê fêrbûnê û pirtûkxaneya pirzimanî kir, ku tê de gelek pirtûkên cûrbicûr ên ji seranserê cîhanê hene.
Armanca me ya vê serdanê ew bû vê derê bibînin da ku em bizanin ka em çawa dikarin di pêşerojê de li vir çalak bibin û zanîn û ezmûnan bi civakên din re pev biguherînin.
.png)
