گرووپەکانمان لە جڤاکی کورد هەفتەی ڕابردوو سەردانی سپۆرە هاوس-یان کرد لە بەرلین. ئەم سەردانە بوو بە دەرفەتێک تا باشتر بە کار و چالاکییەکانی ئینسیاتیڤی سپۆرە ئاشنا بین. ئەم ئینسیاتیڤە لە بواری دادپەروەریی ئاووهەوا، ژیاندنەوەی ژینگەیی و پەروەردەدا چالاکە و بە بەرنامە فەرهەنگی و فێرکارییەکانی فرەڕەنگیی بایۆفەرهەنگی پێشدەخات.
لە سەردانەکەدا، گەشتێکمان بە نێو پێشانگەی “ئاستی ئاو – Water Bodies”دا کرد کە سەرنج دەخاتە سەر کێشەکانی کەمبوونەوەی ئاو لە کوردستان. لەم چوارچێوەیەدا، گفتوگۆمان لەسەر ڕەهەندەسیاسییەکانی کەمبوونەوەی ئاو، ژینگەپارێزیی هەرەوەزی و ئەزموونە تاکەکەسییەکانی خەڵکی کوردستان کرد.
هەروەها سەردانی باخچەی فێربوون و کتێبخانەی فرەزمانمان کرد کە زۆر کتێبی جۆراوجۆری سەرانسەری جیهانی لەخۆ گرتووە.
ئامانجی ئەم سەردانە ئەوە بوو ئەم شوێنە لە نزیکەوە ببینین بۆ ئەوەی بزانین چۆن دەتوانین لە داهاتوودا تیایدا چالاک بین و زانین و ئەزمونەکان لەگەڵ جڤاکەکانی دیکە ئاڵوگۆڕ بکەنین.
.jpg)