ڕێکخراوەکەمان لە هەرێمەکانی بەرلین، برێمەن و نۆردڕاین-ڤێستفالن ئۆفەری هەمەچەشنی ڕاوێژکاری پێشکەشی ئەو مرۆڤانە دەکات کە لە بارودۆخە سەختەکانی ژیاندا، پێویستییان بە پشتگیری هەیە. ئێمە هەوڵ دەدەین هاریکاریی ئێوە بکەین تا مافەکانی خۆتان بەدەست بێنن.
ئێمە بەشێوەیەکی فرەزمان و هەستیار لە ڕووی فەرهەنگی، کار دەکەین. هەمیشە هەوڵ دەدەین بۆ هەر کێشەیەک چارەسەرێکی گونجاو بدۆزینەوە. لەگەڵ ئێوە پلانی هەنگاوی داهاتوو دادەنێین. ئامانجمان ئەوەیە لە ڕێی پێدانی زانیاری و ڕاوێژ هێزتان پێ ببەخشین تا مافەکانتان بزانن و بتوانن لە دۆخە سەختەکانی پێوەندیدار بە دامودەزگەکان، حکوومەت و قانوون مامەڵە بکەن. ئێمە لە بابەتە جڤاکی و خێزانییەکاندا، هەروەها لە حاڵەتەکانی هەڵاواردندا، پشتگیریتان دەکەین.
لە بەرلین یەکماڵ وەک ڕێکخراوێکی سەربەخۆی کۆچبەران، بەپێی قانوونی خزمەتگوزاریی قانوونی لە بواری پەنابەری و مافی نیشتەجێبوون، ڕاوێژکاریی قانوونی پێشکەش دەکات. ئۆفەرەکانی ڕاوێژکاری لە چوارچێوەی بەشەکانمان: ڕاوێژکاریی یەکماڵ، سەنتەری فرەڕەنگیی ئینتەرسێکشناڵ و پشتگیریی خێزان بەڕێوە دەبرێن.
لە ١ی تەمووی ٢٠٢٥ بەدواوە، یەکماڵ پڕۆژەی "ڕێبەرانی ئینتەگراسیۆن لە فریدریشسهاین-کرۆیتسبێرگ" لەئەستۆ دەگرێت.
زانیاریی بەرفرەوان لەبارەی دووگیانی، لەدایکبوون، چاودێریی تەندروستی، خواردن، چوارچێوەی قانوونی و بژاردەکانی پشتگیری پێشکەش دەکەین.
بەداخەوە، لە ١ی ئاداری ٢٠٢٥ بەدواوە ناتوانین لە بەرلین ڕاوێژکاریی قانوونی لەبارەی ڕێکارەکانی پەنابەری پێشکەش بکەین.
جێگری بەڕێوەبەری یەکماڵ دەربارەی “نەژادپەرستیی دژەکورد” بابەتێکی پێشکەش کرد و سەرنجی خستە سەر ڕووداوە گەرمەکان بە تایبەت هێرشە نەژادپەرستییەکەی سەر پەنابەرانی کورد لە کەمپی تێگل.
ئەم ماوەیە لە ئەڵمانیا گەڕاندنەوەی پەنابەرانی عێراق – ئەوانەی مافی پەنابەرێتییان ڕەتکراوەتەوە، لە ڕۆژەڤدایە. ئێستا ترسێکی زۆر لای ئەو پەنابەرانە دروست بووە.
