ڕێکخراوی یەکماڵ لە ئێسن پێشوازی لە نێوەندی پسپۆڕیی دایک-باوکایەتی و نەخۆشیی دەروونی کرد.
بەخۆشحاڵییەوە ڕایدەگەیەنین کە ئەمساڵیش هاوبەشی فێستیڤاڵی فیلمی کوردیی بەرلینین.
لە کەشوهەوایەکی ئاسوودەدا، لەبارەی فشاری ڕۆژانە و ئاڵنگارییەکانی بەخێوکردنی منداڵ قسەمان کرد.
لە ١ی تەمووی ٢٠٢٥ بەدواوە، یەکماڵ پڕۆژەی "ڕێبەرانی ئینتەگراسیۆن لە فریدریشسهاین-کرۆیتسبێرگ" لەئەستۆ دەگرێت.
دایک و باوک چۆن بتوانن لە چێوەی فێرگەدا پشتگیریی فێربوون و پراکتیککردنی زمانی خێزانەکەیان بکەن؟
.jpg)
گرووپی چالاکی پیاوان بە هاوکاری هونەرمەند مارکۆس گارسیا پێرێز
ئێمە پشتگیریی دایکان و باوکان و خێزانەکان دەکەین لە پەروەردەکردنی منداڵەکانیاندا. هەروەها هاریکارییان دەکەین دەکەین لە بواری پێشخستنی فرەزمانی، دەرفەتی یەکسان و بەشداری جڤاکی.
ئێمە لە شارەکانی بەرلین، ئێسن، هێرفۆرد و بیلەفێلد هاریکاریی خێزان، منداڵ و جەوانان دەکەین لە بوارەکانی پەروەردەکردن، ژیانی ڕۆژانە و دۆخە سەختەکان.
لەم وارگەیە ژینگەیەکی ئارام و ئاسایش بۆ ئەو پەنابەرە تەمەنبچووکانە دابین کراوە کە بەبێ دایک و باوک یان سەرپەرشتی قانوونی هاتوونەتە ئەڵمانیا.
لێرە ژینگەیەکی ئارام و پشتگیری پێشکەشی منداڵ و نێوجەوانان دەکەین تا بتوانن هەنگاوە سەرەتاییەکانیان لەم وەڵاتە نوێیە بنێن.
ئێمە لێرە حاڵەتەکانی نەژادپەرستی، دژەجوویی، دژەهاوزایەندخوازی، دژەسینتی\ڕۆمینا، تووندڕەویی ڕاستڕەو و حاڵەتەکانی دیکەی هەڵواردن دەکەینە بەڵگەنامە.
ئێرە خاڵێکی پێوەندییە بۆ هەموو دانیشتوانی ناوچەی نۆیکۆلن، ئەوانەی لەژێر کاریگەریی شێوازە جۆراوجۆرەکانی هەڵاواردندان.
ئەم پڕۆژەیە بەرنامەیەکی کراوەی کاروباری منداڵان و نێوجەوانانە کە سەرنجی لەسەر بەشداری و خۆبەڕێوەبەریی منداڵان و نێوجەوانانە.
نیشاندانی ژیانی کورد لە جڤاکە فرەڕەنگەکەماندا و پشتگیریکردنی خێزان و منداڵە کوردەکان، بە نموونە لە ڕێی زارۆخانەی جووتەزمان، یەکێک لەو نیشانانەیە کە کۆمەڵەی یەکماڵی پێ دەناسرێتەوە.
سپاس بۆ پابەندبوونی ماندوونەناسانەتان لە پێشکەشکردنی ئۆفەرە جڤاکییەکان بە جڤاکی کورد، هەروەها تێکۆشینتان لە دژی هەڵاواردنی ئێوە و هەموو مرۆڤە پەراوێزخراوەکان کە ڕووبەڕووی هەموومان دەبێتەوە.
کۆمەڵەی یەکماڵ دەیان ساڵە لەپێناو یەکسانی، پێکەوەژیانی مرۆیی و بەشداریی ئەو مرۆڤانەی خاوەنی پاشخانەی کۆچبەرین، هەروەها بۆ پاراستنی زمانی کورد کار دەکات. یەکماڵ چیرۆکێکی سەرکەوتووە لەنێو ڕێکخراوەکانی کۆچبەراندا.
یەکماڵ ڕێکخراوێکی جێی متمانەیە بۆ دامودەزگەکانی حکوومەت، هەروەها ئەو ناوەندە جڤاکی و ئەکادیمییانەی کاریان لەگەڵ دەکات. لە لایەکی دیکەوە، یەکماڵ ئاکتۆرێکی ڕەخنەگرە کە لەپێناو جڤاکێکی یەکگرتوو، دیموکراتی و بێ هەڵاواردن لە ئەڵمانیا تێدەکۆشێت.
لە دوای ٣١ ساڵی پڕ لە کار، تێکۆشان و بەربەست، ئێمە دەتوانین بە سەربەرزییەوە بڵێین کە یەکماڵ خۆی بە خاڵی بەیەکگەیشتنی کوردانی خاوەن پاشخانی جیاواز و ڕوانگەی جیاواز دادەنێت.
ڕۆژانی ٢٣ و ٢٤ی شوباتی ٢٠٢٤ چواردەهەمین سەمپۆزیوومی ساڵانەمان کە بەبۆنەی ڕۆژی جیهانیی زمانی دایک سازی دەکەین، بە شێوەیەکی سەرکەوتوو لە برێمەن بەڕێوەچوو. د. هێنینگ شێرف، د. زەردەشت حاجۆ، یایلا بوجاک-مۆنش، ئەمین ئاکباش و زارادین ئاگرمان باسی بەسەرهێت و بیرەوەرییەکانی خۆیان کرد لە کاتی دەستپێکردنی وانەی کوردی لە برێمەن بەر لە ٣٠ ساڵ.
لە ڕۆژی زمانی دایکدا، ڤیدیۆیەک لە تۆڕی بێفانەوە پێشکەش دەکەین تا ئاهەنگی فرەزمانی ببینن کە کۆمان دەکاتەوە. زمان تەنیا نێوەندگر نییە بۆ پەیوەندی، بەڵکوو کلیلی ناسنامەی کولتووری و تێگەیشتنە لە جیهانەکەمان. وەرن پێکەوە بۆ جوانی و هێزی زمانەکانمان ئاهەنگ بگێڕین و پێکەوە هاوکار بین بۆ پاراستن و پێشخستنیان
لەم ڤیدیۆیەدا، هونەرمەندان بۆ ساتێک لەگەڵ پەیکەری “دایک و کوڕی مردوو“ی پەیکەرساز و شێوەکاری ئەڵمان کێتە کۆلڤیتس ئاوێزان دەبن. ئەو هونەرمەندانە کە ژیانی خۆیان بۆ ئاشتی تەرخان کردووە، هەستی هاوبەشیان لەگەڵ کۆلڤیتس هەیە. لە سایەی نۆی ڤاخە-دا جارێکی دیکە بە هونەر هەڵوێستی خۆیان لە دژی شەڕ، تووندوتیژی و دیکتاتۆری پیشان دەدەن و گوزارشت لە “ژن ژیان ئازادی” دەکەن.
یەکماڵ نەورۆزی 2023ی لەگەڵ جەوانان پیرۆز کرد. جەوانان لە وۆرکشۆپی هەڵپەڕکێدا هەم فێری هەڵپەڕکێی شەمامێ بوون، هەمیش بەشدار بوون لە سەمای هیپ-هۆپ.
ئێوارەی چوارشەممە ١٣ی ئەیلوولی ٢٠٢٣ لە هۆڵی “ناخبارنشافتسهاوس ئوربانشتراسە” لە بەرلین ئاهەنگی سییەمین ساڵیادی دامەزراندنی کۆمەڵەکەمان “یەکێتیی خێزانە کوردستانییەکان لە ئەڵمانیا بەڕێوەچوو. لە ئاهەنگەکەدا ژمارەیەکی بەرچاوی میوانانی هێژا لە بەرپرسانی سێناتی بەرلین، پەڕلەمانتار و سیاسەتمەدارانی ئەڵمانیا، نوێنەرانی کۆمەڵە و ڕێکخراوەکانی جڤاکی سڤیل، پسپۆڕان، هاوکار و دۆستانی یەکماڵ ئامادە بوون.
ڕۆژی ٣٠ی ئەیلوولی ٢٠٢٣ سێزدە پیاوی “گرووپی باوکان”ی یەکماڵ لە گەلەریی بەرلین پێشانگەی “وەرن پێکەوە سەما بکەین!”یان کردەوە. لە کاتی کردنەوەی پێشانگەکەدا، چەندین بەرهەمی موزیک و هەڵپەڕکێی عەفرین پێشکەش کران.
ئەمڕۆ ئێمە یادی سییەمین ساڵیادی دامەزراندنی خۆمان دەکەینەوە. بەم بۆنەیەوە بەڵگەفیلمێک دەربارەی ساڵڕۆژەکەمان پێشکەش دەکەین. لە ڕێی ئەم بەڵگەفیلمەوە پێمان خۆشە ئاوڕێک لە مێژووی کۆمەڵەکەمان بدەینەوە و سەیری بەربەستەکانی بکەین. لە لایەکی دیکەشەوە حەز دەکەین ئێوە بە خزمەتگوزاری و ئۆفەرە جۆراوجۆرەکانمان ئاشنا بکەین.
لەگەڵ هاتنی وەرزی بەهار نەورۆزیش دێت؛ جەژنی سەری ساڵی کوردی، جەژنی شادی و سەرەتایەکی نوێ. نەورۆز ئەو کاتەیە کە ئێمە ماڵئاوایی لە تاریکیی زستان دەکەین و پێشوازی لە گەرمیی بەهار دەکەین.
لە ٢١ی دیسەمبەردا، لە کوردستان و چەند وەڵاتێکی دیکەی ڕۆژهەڵاتی ناوین شەوی یەڵدا (شەوچلە) پیرۆز دەکرێت. یەڵدا، درێژترین شەوی ساڵە و دەکەوێتە دواهەمین ئێوارەی پاییز و یەکەمین شەوی زستان.
(2).png){kind=logo}
