Alîkariya Perwerdehiyê ya Seyar

Beşa Alîkariya Perwerdehiyê ya Seyar a girêdayî komeleya Yekmalê li Berlîn, Essen, Herford û Bielefeldê alîkariya malbat, zarok û ciwanan dike di mijarên perwerdehî, pirsgirêkên rojane û rewşên dijwar de. Nêzîkatiya me bi awayek çavkanî û navçandî ye, li gor rêbazên sîstematîk e. Em piştgiriya serxwebûna malbat, zarok û ciwanan dikin û giringiyê didin alîkariya wan. Alîkariya Seyar bi giştî li hawîrdora zarok, ciwan an malbatê tê pêşkêşkirin.

Alîkariya Perwerdehiyê ya Seyar li gorî qanûna SGB VIII ya piştgiriya perwerdehiyê (§ 30) û alîkariya civakî ya malbatê ya pedagojîk (§ 31) kar dike. Armanc ew e, şiyanên perwerdekirina zarokan bên xurtkirin, piştgiriya stratejiya çareserkirina nakokiyan bê kirin û çareseriyên demdirêj ji bo jiyana rojane bên dîtin.

Angebotên me bi Almanî, Kurdî (Kurmancî, Soranî, Kirmanckî/Zazkî), Erebî, Tirkî, Farsî, Darî, Rûsî û Albanî ji malbatên bi û bê ezmûna koçberî û penaberiyê re ne. Buroyên me li Berlîn, Essen, Herford û Bielefeldê ne û em bi hevkariya ligel Saziya Ciwanan (Jugendamt) li van bajaran, herweha aliyên perwerdehiyê, saziyên tendirustiyê û navendên şêwirmendiyê re kar dikin.

Xebatkarên me yên biezmûn bi rengekî hestyar ê çandî û civakî dixebitin. Ew stratejiyên cur bi cur ji bo çareserkirina pirsgirêkan bi kar tînin.

Erk û Şêwaz

Şêwirmendî û Piştgirî: Dêûbav û malbat di mijarên perwerdehiya zarokan de piştgirî distînin da ku şiyanên perwerdekirina zarokên xwe xurt bikin.
Tedbîrgirtin: Destpêşxeriyên pêşwext ji bo pêşîgirtin li pirsgirêk an qeyranan.
Alîkariya lênêrînê/ alîkariya takekesî: Piştgiriya takekesî ji bo zarok û ciwanên xwedî pêdiviyên taybet.
Alîkariya malbatan a pedagojiya civakî: Piştgirî di dema pirsgirêkên di nava malbatê de.

Armanca me

Xurtkirina şiyanên perwerdekirina zarokan.
Baştirkirina rewşa jiyana zarok û ciwanan.
Piştgirîkirina Întegrasyona civakî.

Têkilî

Berlin
Richardstr. 102, 12043, Berlin
Tel.: 030 63318940
Fax: 030 6331894
E-mail: hilfezurerziehung@yekmal.de
Koordination: Taylan Polat, Maria Zhiguleva, Sebastian Benzing

Essen
Rottstr. 24, 45127 Essen
E-Mail: buro-essen@yekmal.de
Tel.: 0163 521 93 49
Koordination: Nalin Yücekaya

Herford & Bielefeld
Bielefelder Str. 20, 32051 Herford
Tel.: 157 390 593 11
E-Mail: hze-herford@yekmal.de
hze-bielefeld@yekmal.de
Koordination: Simone Adams-Weggen

Piştgirên Darayî: