Konsera havînê ya Tembûrê li Mainzê

Şaxa komeleya me li Mainzê, konsera havînê ya Tembûrê pêşkêş kir ku Yekmal di çarçoveya projeya ” Musik verbindet” de bi alîkariya dostanî ya “Bundesmusikverbandes Chor & Orchester e.V.” bi rê ve dibe.

Ji Gulana 2022’an vir ve zarokên me yên di navbera 8 û 13 salî de bi coş amûra muzîkê ya Tembûrê lêdixin. Ji destpêka projeyê ve zarok fêrî lêdana parçeyên muzîkê yên ji welat û çandên cuda bûne û bi stranan bi wan re tevdigerin.

Zarok kêfa xwe ji çêkirina muzîkê digirin, bi piştgiriya dê û bav, xwişk û birayên xwe û mêvanên din û bi alîkariya dilxwazî ya hin dêûbavan ji aliyê rêxistinî ve, me karî konserek xweş berî betlaneya havînê li dar bixin.

Em ji dil spasiya mamostayê xwe yê muzîkê dikin ku bi dilsozî û disîplîneke mezin di rêya muzîkê de li gel zarokên me dimeşe.
Em spasiya hemû zarokên di projeyê de dikin û em ji wan re hêviya gelek konserên xweş ên din dikin.
Herweha em dixwazin spasiya tevahiya tîmê “Bundesmusikverbandes Chor & Orchester e.V.” bikin, ku vê projeya xweş gengaz dike.

Em li hêviya gelek salên xweştir ên bi hev re ne.

Yekmala we