Pêşangeh: Werin em bi hev re dîlanê bikin!

Roja 30ê Îlona 2023 sêzdeh mêrên ji “Koma bavan” a Yekmalê pêşangeha “Werin em bi hev re dîlanê bikin” li Galerîya Berlînê vekirin. Di vekirinê de performansên muzîk û dîlanên ji Efrînê yên bi heybet hatin pêşkêşkirin.

Di pêşangehê de berhemên girêdayî mijara “Pîrozkirina festîvalan wek beşek ji nasnameya Kurdî” tên pêşkêşkirin. Festîval bi gelek çîrokên ku her gav di nihêrîna pêşîn de nayên xuyang kirin, dagirtî ne: muzîk û xwarin, cil û berg û rîtuel, rol û kodên civakî, efsane, bûyerên kesane an bûyerên civakî.

Ev yek bîranînên ku ji nêz ve bi mijarên civakî, pevguhertin û piştgirî, lê carinan jî bi tundî û zordestiyê ve girêdayî ne, tîne bîra me.
Ji Gulana 2022an vir ve, sêzdeh mêrên di çarçoveya bernameya “Standortwechsel” ya Galerîya Berlînê de li ser van mijaran lêkolînê dikin.

Ew rahênanên performatîf û xêzkirinê yên ku pratîka kolektîf pêşve dibin, dikin. Ev jî xêzkirin, çap, tişt û karên dengî yên bi formata mezin diafirîne.

Pêşangeha “Werin em bi hev re dîlanê bikin!” heta Çileya 2024 li Galerîya Berlînê ji temaşevanan re vekiriye.