Yekmal Bielefeld di Roja Pêşxistina Bajar de

Roja Şemiyê 10ê Gulana 2025an, li Navenda Ciwanan a li navçeya Baumheide ya li ser Rabenplatzê, di çarçoveya Roja Pêşxistina Bajar a bajarê Bielefeldê de çalakiyek pêk hat.

Şaxa Yekmalê ya Bielefeldê bi maseyeke agahîdanê û standeke xwarinê beşdar bû. Hin jinên ji kursa MiA-yê bi pêşkêşkirina penîrê teze pijandî, borek û nanê sêlê mêvanên çalakiyê kêfxweş kirin. Koma Ezmîr û Cemal jî bi Defa xwe atmosferek pir xweş afirandin.

Li ser maseya me ya agahîdanê, me bi Kendal Yakut ji koma encumena SPD'ê û Ingo Nürnberger alîkarê şaredar û rêveberê Karûbarên Civakî û Întegrasyonê ya bajarê Bielefeldê re gotûbêjek xweş kir.

Çalakî gelek baş bû - biçûk û mezin kêfxweş bûn!