Danûstandina çandî û pirrengiya afirîner li Neuköllnê

Xala Têkiliyê ya dijî Tundî û Cudakariyê di meha Gulanê de jî bi du çalakiyan li navçeya Neuköllnê ya Berlînê çalak bû.

Di 15ê Gulanê de, li ser vexwendina Quartiersmanagements Sonnenallee/High-Deck em beşdarî "Erzählcafé Oster- und Frühlingszeit /Kafêya Çîrokbêjiyê ya Paskalya û Dema Biharê" bûn ku li Navenda Nachbarschaftszentrum hat lidarxistin. Xebatkarên me yên projeya Xala Têkiliyê li ser cejnên biharê yên Kurdan ên wekî Cejna sersala Kurdî Newroz û Cejna Çarşema Serê Nîsanê beşdarî nîqaşa zindî bûn. Kesên li wir amade bûn gelek xalên hevpar di çîrokên biharê yên ji çand û dînên cûda dîtin.

Di 16ê Gulanê de jî em li Navenda Zarok û Ciwanan a Lessinghöhe beşdarî çalakiyekê bûn. Bi hevkariya tîma me ya "Em bi hev re xurt in" zarokan dikaribû tiştên afirîner ên weke goreyên pirreng çê bikin. Ev helwestek e bi awayê lîstikî ji bo xurtkirina tolerans û civatek cihêreng li taxê. Zarokan ji fîgûr û motîvên rengîn kêf girtin.