Çembera Hêzdarkirinê dikeve betlaneya havînê

Roja Şemiyê, 12ê Tîrmeha 2025an bi beşdariya nêzîkî 20 dêûbavan hevdîtina dawî ya Çembera Hêzdarkirinê ya beriya betlaneya havînê li Navenda Malbatan a Rengînê hat lidarxistin.

Dema ku zarokan di Dibistana Şemiyê ya Yekmalê de roja dawî ya semestera xwe bi muzîk, wêne û dansê derbas dikirin, dêûbav bi pirsa "çi cureyên dibistanan hene" mijûl bûn. Ev yek bû sedema nihêrînek giştî li ser rêyên perwerdehiyê yên curbicur ji dibistana seretayî, dibistana navîn û dibistana amadeyî heya dibistanên pîşeyî û têgehên dibistanên alternatîv.

Bi taybet cudahiya di navbera dibistanên giştî û taybet de bi berfirehî hat gotûbêjkirin. Herweha behsa formên dibistanên alternatîv ên wekî dibistanên Waldorf û Montessori jî hat kirin. Di dawiyê de, hat tekez kirin ku her çend pergala dibistanên Berlînê xwedî xalên lawaz be jî, ew gelek derfetan jî pêşkêş dike. Ji bo bidestxistina jêhatîbûnek li derveyî rêyên klasîk ên perwerdehiyê jî, derfetên wekî dibistanên êvarê an teknîkî hene. Bi kurtasî, hate gotin ku pergala xwendinê gelek asteng û alingariyan tîne, lê di heman demê de derfetan jî pêşkêş dike.

Di dawiya bernameyê de, zarokên Dibistana Şemiyê performansek dansê ya kurt pêşkêş kirin û bawernameya beşdarbûnê wergirtin. Piştî betlaneya havînê, bernameya Dibistana Şemiyê ya Yekmalê û Çembera Hêzdarkirinê dê berdewam dibe.