Xatirxwestina di betlaneya havînê de li şaxa me ya Essenê

Di 5ê Tîrmeha 2024an de şaxa Yekmalê ya Essenê bernameyeke xatirxwestinê ya balkêş bi helkefta hatina betlaneya havînê li dar xist. çendîn kes li Navenda Vielrespektzentrum a Essenê hatin ba hev û bi hunera çîrokbêjî û dengbêjiyê ya hunermendên me yên Kurd re wextek xweş derbas kirin.

Piştî pêşgotinekê ji aliyê nivîskar Dawid Yeşîlmen ve, dengbêjên Kurd Hozan Zozan, Fewzî Kiliç, Cînav Hesen û Hozan Welat tevî muzîkjenên Kurd Dîyarê Goyî, Ferhat Emen û Xoşnav Şêx Ehmed derketin ser dikê û hunerên xwe pêşkêş kirin.

Em spasiya Navenda Vielrespektzentrum û RAA e.V. dikin ji bo hevkariya wan. Herweha ji bo amadekariya vê bernameyê em bi taybetî spasiya Yasar Güzel, Amira Muhammed û koma wan a jinan û alîkarên me yên xwebexiş dikin.