ئێوارەیەکی خۆش بەبۆنەی هاتنی پشووی هاوینەوە لە یەکماڵ ئێسن

ئێوارەی ٥ی تەمووزی ٢٠٢٤ لە ناوەندی فیلڕێسپێکت-ی شاری ئێسن بەبۆنەی هاتنی پشووی هاوین بەرنامەیەکی ماڵئاوایی سەرنجڕاکێش لە لایەن لقی یەکماڵ لە ئێسن بەڕێوەچوو. چەندین کەس بەشدارییان کرد و لەگەڵ هونەری چیرۆکبێژی و دەنگبێژیی هونەرمەندانی کورد ئاوێزان بوون.

دوای پێشکەشکردنی گوتەیەک لە لایەن نووسەر داود یەشیلمەن، دەنگبێژانی کورد هۆزان زۆزان، فەوزی کلچ، جیناڤ حەسەن و هۆزان وەڵات بە یاوەری موزیکژەنان دیارێ گۆیی، فەرهاد ئەمەن و خۆشناو شێخ ئە‌حمەد چوونە سەر شانۆ و هونەری خۆیان پێشکەش کرد.

سپاس بۆ هاوکاریی ناوەندی فیلڕێسپێکت و کۆمەڵەی RAA. هەروەها بە تایبەت سپاسی یاشار گوزەل، ئەمیرە محەمەد و گرووپی ژنان و هاوکارە خۆبەخشەکانمان دەکەین بۆ ئامادەکردنی ئەم بەرنامە تایبەتە.