Civata Giştî ya Yekmalê civîna xwe ya asayî li dar xist
Civata Giştî ya Yekîtîya Malbatên ji Kurdistanê li Almanyayê – Yekmal e.V. roja 2ê Hezîran a 2023an bi tevlîbûna endaman civîna xwe ya asayî li Berlînê li dar xist.
Destpêkê Lîjneya Rêveber a komeleya me bixêrhatîna endaman kir. Piştre dîwana rêvebirin û nivîsera protokolê ya civînê hatin hilbijardin. Rêvebera Yekmalê Günay Daricî derbarê kar, çalakî û projeyên du salên derbasbûyî raporek pêşkeş kir. Piştre rapora darayî ya salane ji aliyê cîgira rêvebera Yekmalê Cornelia Rasulis ve hat pêşkeş kirin û rapor bi piranîya dengên endaman hat pejrandin.
Di berdewamîya civînê de Lîjneya Rêveber a nû di dengdaneke eşkere de hat hilbijartin û rêziknameya Yekmalê jî hat hemwarkirin.
Civata Giştî biryar da ku Akademîya Yekmalê êdî bi forma qanûnî ya GmbH ya neqezancê kar û xebatên xwe bidomîne. Ev jî rê li ber pêşveçûn û berfirehtirbûna xebatên akademîyê vedike ku armanca wê birêvebirina lêkolînên zanistî û perwerdehîya akademîk e li ser gelek aliyên ziman, civak û çanda kurdan li Almanyayê. Akademîya Yekmalê li ser bingeha pêşveçûnên civakî yên heyî proje û bernameyên lêkolînan pêk tîne.
Em hêvîdarin ku biryarên Civata Giştî derfetên komeleya me zêdetir bikin ji bo pêkanîna armanc û vîsyona xwe.
Di hewaya havînê ya bêkêmasî de, wan bi hev re seyran kir, lîstin, kenîyan û axivîn.
Em çerezan bikar tînin da ku serdanên malpera xwe bişopînin, em tu hûrguliyên kesane hilînin. Bi mayîna li ser malperê hûn razîbûna xwe bi polîtîkaya meya cookie-yê digirin.