Serdana Senator Cansel Kiziltepe ji bo Yekmalê

Wêne: Cansel Kiziltepe, Günay Darici, Michał Piasek

Duh, 20ê Cotmehê, Cansel Kiziltepe, Senatora Berlînê ya ji bo Kar, Sosiyal, Wekhevî, Întegrasyon, Pirrengî û Dijî-Cudakariyê, digel Michał Piasek, berpirsiyarê Bernameya Rêberên Întegrasyonê li Rêveberiya Beşdarî, Întegrasyon û Koçberiyê ya Senata Berlînê, serdana komeleya me Yekmalê kirin.

Di hevdîtinê de Rêvebera Giştî ya komeleya me, rêvebera Akademiya Yekmalê û rêveberên beşên me amade bûn û qadên xebatên cihêreng ên komeleya me dan nasîn û li ser pêdivî û alingariyan axivîn;

• Navenda Pirrengiya Înterseksiyonal (CiD) 
• Piştgiriya Malbatê
• Şêwirmendî 
• Beşdarî û Civatsazî 
• Tora BEFaNê

Mijarên piştgiriya malbatan û xebatên dijî-cudakariyê di rojeva hevdîtinê de cihek girîng girtin. Vebijarkên piştgiriyê yên berbiçav jî rasterast bi Senator re hatin nîqaşkirin. Birêz Kiziltepe bal kişand ser rewşa siyasî ya dijwar a heyî û kêmkirina budceya Berlînê. Di heman demê de, mijarên wekî berdewamî û jêhatîbûna rêberên întegrasyonê hatin nîqaş kirin.

Pêkanîna bernameyên kalîfaksyonê di pêşerojê de bi hevkariya Akademiya Yekmalê wekî vebijarkek gengaz hate behskirin - bi şertê ku piştgiriya darayî bê kirin. Gotûbêj pir vekirî û teqdîrker bû. Taybetmendî û pabendbûna piralî ya Yekmalê bi zelalî diyar bû.

Em gelek spasiya birêz Cansel Kiziltepe û birêz Michał Piasek dikin ji bo serdana wan û ev danûstandina vekirî û berhemdar.