Navenda Malbatan a NW80

Navenda Malbatan a NW80 li Berlin-Rudow'ê cihekî vekirî yê perwerdehiya seretayî ye ji bo malbatên xwedî zarokên 0 heta 6 salî. Bala me li ser bihêzkirina jêhatiyên dêûbavan, geşekirina zarokên biçûk û piştgirîkirina beşdariya civakî li gorî beşa § 16 SGB VIII di qanûna civakî ya Almanyayê de.

Rudow bi pirrengiya malbatî tê nasîn. Navenda Malbatan a NW80 cihekî diafirîne ku ji vê pirrengiyê re dadperwer be. Ev der ji bo her kesî vekirî ye, pirzimanî ye, baldar e li hember hestyariyên çandî, xizanî û cudakariyê.

Em li Navenda malbatan a NW80 di çar qadên jiyana rojane de, piştgiriyê didin malbatan:

Perwerdehiya Malbatan

Di komên dê û bavan, workşop û gotûbêjên vekirî de, em li ser mijarên wekî girêdan, dêûbavitî, xwedîkirina zarok, pêşxistina ziman, karanîna medyayê û tendirustî diaxivin. Dema ku dê û bav ji bo jiyana rojane pêşniyazên pratîkî distînin, zarok jî dikarin bilîzin û fêr bibin.

Civîna Malbatan

Malbat di taştêyên malbatan de, li kafêyên vekirî an jî di şahiyan de tên ba hev û bi hev re diaxivin. Ev der cih dide danûstandin, têkiliyên nû û piştgiriya hevpar.

Şêwirmendiya Malbatan

Em li ser pirsên têkildarî xwedîkirina zarok, malbat, jiyana rojane an jî mijarên darayî şêwirmendiya rasterast û pirzimanî pêşkêş dikin. Şêwira me bi awayek nepenî û pêbawer e.

Bêhnvedana Malbatan

Çalakiyên werzişî û bêhnvedanê, tevgerên di xwezayê de, geşt an rêwîtiyên malbatî dibin sedema serpêhatiyên hevpar û hêzê didin malbatan.

Pêwendî

Familienzentrum NW80

Neudecker Weg 80, 12355 Berlin-Rudow

Tel.: 0176 859 552 67

E-Mail: fz-rudow@yekmal.de

Ji aliyê Jugendamt Neukölln'ê ve, piştgiriya darayî tê kirin