دەتانەوێت فێری هەنگاو، ڕیتم و ڕەهەندە فەرهەنگییەکانی هەڵپەڕکێی کوردی بن و لەگەڵ منداڵەکانتان ساتێکی خۆش و تێروپڕ ئەزموون بکەن؟ کەواتە بەشداری بکەن لە زنجیرە-وۆرکشۆپی هەڵپەڕکێی کوردی کە نێوەندی خێزانی ڕەنگین لە بەرلین سازی دەکات!
ئێمە بەخۆشحاڵییەوە ئێوە و خێزانەکانتان بانگهێشتی وۆرکشۆپە سەرنجڕاکێشەکانمان دەکەین. ئەمە هەلێکە بۆ ئەوەی زیاتر بە هەڵپەڕکێ کوردییەکان و میراتی دەوڵەمەندی فەرهەنگی گەلی کورد ئاشنا بن، هەروەها ئەزموونی بکەن.
ئەم وۆرکشۆپانە دەرفەتێکی ناوازە پێشکەشی ئێوە و منداڵەکانتان دەکەن تا باشتر لە فرەڕەنگی و دەوڵەمەندیی سەما فۆلکلۆرییەکانی کورد تێبگەن. بە ڕێبەرایەتیی فێرکارە بەئەزموونەکانی سەما و هەڵپەڕکێ، دایکان و باوکان و منداڵان دەتوانن لەم وۆرکشۆپانەدا فێری چەندین جۆری هەڵپەڕکێ و دیلان ببن و بە پاشخانی فەرهەنگیی هەر کامێکیان ئاشنا بن و ساتێکی خۆش بەسەر بەرن.
بۆچی گرنگە؟
● دەوڵەمەندبوونی فەرهەنگی: دەربارەی هەڵپەڕکێ و فەرهەنگی کوردی ئاستی زانینتان بەرز دەکەنەوە.
● گوزارشتی هونەری: لە ڕێی جووڵانەوە و ڕیتمەکان گەشە بە ئافرێنەریی خۆتان دەدەن.
● چالاکیی جەستەیی: سەما نەک هەر تەندروستە، لە هەمان کاتدا هۆکارێکی دڵخۆشییە!
● کۆمەڵسازی: لەگەڵ خێزانەکانی دیکەدا یەکتر دەبینن و دەبنە بەشێک لە جڤاتە فرەڕەنگەکەمان.
کێ دەتوانێت بەشدار بێت؟ دایکان\باوکان و منداڵان لە هەر تەمەنێکدا
چی لەگەڵ خۆتان بێنن: جلوبەرگی ئاسوودە و ویستی سەماکردن!
ڕێکەوت: مانگانە یەک جار
یەکەم وۆرکشۆپ: ٣٠ی ئەیلوولی ٢٠٢٤
*بەشداریکردن بەخۆڕاییە
تکایە فۆڕمی ناونووسی پڕ بکەنەوە، چونکە ژمارەی بەشداران سنووردارە.
ناونووسی: https://forms.gle/vsURCB11Et2byDUn7
پێوەندی
E-Mail: familienzentrum@yekmal.de
Tel.:
نێوەندی خێزانی ڕەنگین, Waldemarstr. 57, 10997 Berlin
یەکەمین وۆرکشۆپ تایبەت بوو بە هەڵپەڕکێی دەلیلۆ. بەشداران فێری هەنگاوەکان و ڕیتمەکان بوون. هەروەها دەربارەی پاشخانی فەرهەنگیی هەڵپەڕکێی کوردی زانیارییان وەرگرت.
ئەم ئینسیاتیڤە لە بواری دادپەروەریی ئاووهەوا، ژیاندنەوەی ژینگەیی و پەروەردەدا چالاکە و بە بەرنامە فەرهەنگی و فێرکارییەکانی فرەڕەنگیی بایۆفەرهەنگی پێشدەخات