وۆرکشۆپی شانۆگەریی فۆروم

شتێکت هەیە بۆ گوتن؟ ئایا دەتەوێت بیر، هەست و بەسەرهاتەکانت ببیسترێن و ببینرێن؟ کەواتە پڕۆژەکەمان "تۆ دیاری" ڕێک بۆ تۆیە!

پێکەوە لەگەڵ جەوانانی دیکە، لە وۆرکشۆپی شانۆگەریی فۆرومدا ڕێگەی نوێ دەدۆزیتەوە بە شێوەی یاری، بوێرانە و ئافرێنەرانە. هیچ فشارێکت لەسەر نابێت، هەڵسەنگاندن و زانینی پێشوەختە مەرج نییە. ئەوەی گرنگە تەنها خۆتی. وۆرکشۆپی شانۆگەریی فۆروم پڕۆژەیەکی ئافرێنەرانەی ڕێکخراوی یەکماڵ و نێوەندی جەوانانی ڤوتسکیئالێ-یە.

» شانۆگەریی فۆروم چییە؟

شانۆگەریی فۆروم شێوازێکی تایبەتی شانۆگەرییە کە سێرەی لەسەر چیرۆک، بیر و ئاڵنگارییەکانی ئێوەیە. ئێوە پێکەوە کار لەسەر ئەو دیمەنە بچووکانە دەکەن کە هەر خۆتان لە کێشەکانەوە وەری دەگرن و دەیخەنە سەر سەکۆ و پێکەوە چارەیان دەکەن. لێرە شانۆ دەبێتە شوێنێک بۆ ئەزموونەکان لەپێناو دانوستان، هێزدارکردن و گۆڕانکاری.

سەرەتای پڕۆژە:
٢١ی ئایاری ٢٠٢٥ - ڕۆژی یەکترناسین
تیم و بەشدارانی دیکە بناسە، چێژ لە جیهانی شانۆ وەرگرە و فێربە کە تۆ دەتوانی چۆن دەرکەوی!

کاتی وۆرکشۆپ:
ڕۆژانی چوارشەممە
کاتژمێر: ١٦:٣٠ - ١٨:٣٠

ناونیشان: نێوەندی جەوانانی ڤوتسکیئالێ (Jugendzentrum Wutzkyallee)
Wutzkyallee 88, 12353 Berlin

کێ بەشدار دەبێت؟
جەوانان لە ١٣ ساڵییەوە - گرنگ نییە ئەزموونی شانۆگەریت هەبێت یان نا!
بەشداری بەخۆڕاییە!

» بۆچی گرنگە بەشدار بم؟

• ئافرێنەریی خۆت دەردەخەی.
• مرۆڤی تازە دەناسی.
• بیر، هەست و بەسەرهاتەکانی خۆت بەش دەکەی.
• دەبیتە بەشێک لە پڕۆژەیەکی شانۆگەریی ناوازە.
• سەکۆیەک بۆ خۆت و دەنگی خۆت دەدۆزیەوە.
• بوێر بە، کنجکاو بە، دەرکەوە!

خۆتان ناونووس بکەن، وەرن و دڵنیا ببنەوە کە دەتوانن چی بکەن.

ئێمە چاوەڕوانی بەشداریتانین!