سەمینارێک لەسەر ڕۆژی نێونەتەوەیی زمانی دایک بەڕێوەچوو

بەبۆنەی ڕۆژی نێونەتەوەیی زمانی دایک، بە هاوکاری چەند ڕێکخراوێکی کورد لە شاری ئێسن سەمینارێک ڕێکخرا. ئامانج ئەوە بوو گفتوگۆ لەسەر گرنگیی زمانی دایک بکرێت و دۆخی زمانی کوردی لە هەندەران – بە تایبەت لە ئەڵمانیا هەڵسەنگێندرێت.

لە پانێلەکەدا، نوێنەری لقی ئێسن-ی ڕێکخراوی یەکماڵ مەتین دوورسوون وەک پانێلیست بەشداربوو و سەرەتا ڕێکخراوەکەمانی ناساند و باسی لە چالاکییەکانمان لە بواری زمان، پەروەردە و خزمەتی جڤاکیدا کرد. دواتر بەشێوەیەکی فرەوان باسی بارودۆخی زمانی کوردی لە ئەڵمانیا کرد و سەرنجی خستە سەر بەربەست، کەموکوڕی و دەرفەتە هەنووکەییەکان.

لە پانێلەکەدا گفتوگۆ لەسەر بارودۆخ، کێشە، ڕەخنە و ڕوانگەکان بۆ داهاتوو کران. بەشدارانیش بە پرسیار و تێبینییەکانیان بەرنامەکەیان دەوڵەمەندتر کرد.

سەمینار بە گفتوگۆیەکی کراوە و بە بانگەوازی بۆ بەهێزکردنی هاوکاری لەنێوان خێزان، ڕێکخستنەکان و جڤاکدا کۆتایی هات.