جەژنی نەورۆز لە فۆڕوومی هومبۆلت

فۆروومی هومبۆلت بە هاوبەشی لەگەڵ ڕێکخراوی یەکماڵ و شەش ڕێکخراوی دیکەی بەرلین ڕۆژێکی پڕ لە چالاکی بەبۆنەی جەژنی نەورۆز بەسەردەبات. چاوەڕوانی بەرنامەیەکی فرەڕەنگ لە گفتوگۆ، موزیک، هەڵپەڕکێ، وۆرکشۆپ، فرۆشگە و خواردنی تایبەت بن.

نزیکەی ٣٠٠ ملیۆن کەس لە سەرانسەری جیهان، لەنێویاندا کورد، ئەفغان، ئازەری، ئێرانی، تاجیکی، تورکمەن، ئۆزبەکی و خەڵکی باشووری ڕۆژهەڵاتی ئەورووپا و قەفقاسیا، جەژنی نەورۆز پیرۆز دەکەن.

لە ٢٠ و ٢١ی ئاداردا گەلی کورد لە کوردستان و جیهان جەژنی نەورۆز پیرۆز دەکات. نەورۆز یان ڕۆژی نوێ هەم سەری ساڵی کوردییە هەم دەستپێکی وەرزی بەهار و ژیانەوەی سروشتە. هەموو ساڵێک ئێمە لە جەژنی نەورۆزدا بە هەموو جیاوازییەکانمانەوە دێینە لای یەکتر و هیوامان بۆ ئازادی و ڕزگاری لە بندەستی نوێ دەکەینەوە و هێزی یەکێتی و خاوەندارەتیکردن لە ناسنامە و فەرهەنگی خۆمان بەهێز دەکەین.

• ڕێکەوت: ٢١ی ئاداری ٢٠٢٦
• کاتژمێر ١١ تا ٢٠:٣٠
• ناونیشان: Humboldt Forum, Schloßpl., 10178 Berlin / Foyer, Saal 1, EG, Saal 2, EG

بۆ بینینی بەرنامەکە، پەنجە لێرە دابگرن!

بەخۆشحاڵییەوە جەژنی نەورۆز لەگەڵ گەلانی دیکە پیرۆز دەکەین. ئێوەش وەرن با پێکەوە جەژنی نەورۆز پیرۆز ڕابگرین.