وۆرکشۆپی چۆنەتیی بەشداریکردنی دایک و باوک لە زارۆخانە و قوتابخانەدا

منداڵان گەورە دەبن. لەگەڵ ئەوانیشدا پرسیاری دایکان و باوکان زۆر دەبن. چ لە زارۆخانە یان دواتر لە قوتابخانە، دایک و باوک ڕۆڵێکی گرنگ لە پەروەردە و فێرکردنی منداڵەکانیاندا دەگێڕن. بەڵام ئایا دایک و باوک چ مافێکیان هەیە؟ چۆن دەتوانن بەشداری لە پڕۆسەی فێرکاریدا بکەن، قسەی خۆیان بکەن و یارمەتیدەر بن لە داڕشتنی پەروەردەی منداڵەکانیان؟ هەروەها چ دەرفەتێک هەیە بۆ ئەوەی چالاکانە پشتگیری لە گەشەکردن و فێربوونی منداڵەکەیاندا بکەن؟

ڕێکخراوی یەکماڵ لە چوارچێوەی پرۆژەی Wirkt! بە هاوکاری پسپۆڕێکی پەروەردەی دایکان و باوکان لە نێوەندی خێزانی هایدێک وۆرکشۆپێک لەسەر بەشداریکردنی دایکان و باوکان ساز دەکات. لەم وۆرکشۆپەدا باس لە دەرفەتەکانی بەشداریکردنی دایک و باوک لە زارۆخانە و قوتابخانە دەکەین. زانیاری لەبارەی مافەکان و ڕێگەکانی بەشداریکردن دەدەین، ئامۆژگاری کردەکی پێشکەش دەکەین و نیشان دەدەین لە کاتی پرسیار یان نیگەرانییەکاندا پەیوەندی بە کێوە بکەن. لەگەڵ ئەوانەشدا لە کەشێکی ئارام و کراوەدا کات بۆ گفتوگۆ و پرسیاری بەشداران دەبێت.

ڕێکەوت: ١٩ی ئەیلوولی ٢٠٢٦

کات: کاتژمێر ١١:٠٠– ١٣:٠٠

ناونیشان: نێوەندی خێزانی هایدێک

Hänselstraße 6

12057 Berlin

هەموو دایکان و باوکانی ئارەزومەند بانگهێشت دەکەین. بەشداریکردن بەخۆڕاییە.

چاوەڕێی دیدارتانین!