لە نۆڤەمبەری ٢٠٢٣ بەدواوە، ڕێکخراوی یەکماڵ لە بەرلین لە چوارچێوەی قانوونی §34 SGB VIIIدا وارگەی هاریکاریی پەروەردەیی کردووەتەوە. لێرە هاریکاریی پەنابەرانی تەمەنبچووکی بێسەرپەرشت دەکرێت. لێرەوە ژینگەیەکی ئارام و ئاسایش بۆ ئەو پەنابەرە تەمەنبچووکانە دابین کراوە کە بەبێ دایک و باوک یان سەرپەرشتی قانوونی هاتوونەتە ئەڵمانیا. لەم وارگەیەدا پشتگیریی جەوانەکان دەکرێت تا ڕووبەڕووی بەسەرهاتە تراوماکانیان ببنەوە، فێری زمانی ئەڵمانی ببن و بچنە نێو جڤاک. کارمەندە پسپۆڕەکانمان لە نزیکەوە لەگەڵ جەوانەکان کۆدەبنەوە تا پێویستییە کەسییەکانیان بزانن و بە باشترین شێوە پشتگیرییان بکەن. لە ڕێی گرتنەبەری ڕێوشوێنی پێداگۆژی، ئۆفەری جۆراوجۆر و چالاکیی جڤاکی، هاریکاریی پەنابەران دەکرێت بۆ ئەوەی متمانە دروست بکەن، خۆباوەڕی بەهێز بکەن و ڕوانگەکانیان بۆ داهاتوو بەرەوپێش ببەن.
ئەم هاریکارییە لە شووقەی نیشتەجێبوونی گرووپی بچووکدا پێشکەش دەکرێت. لەو چوارچێوەیەدا:
ئامانجەگشتییەکان
ئێستا لە بەرلین یەک وارگەی نیشتەجێبوونمان هەیە بە ناوی دیوان کە شووقەیەکی هاوبەشە و جەوانانی ١٦-١٨ ساڵی تێدا دەمێننەوە. یەکماڵ بە تایبەت گرنگی بەوە دەدات کە جەوانان لەم ماڵە کاتییەدا هەست بە ئاسایش بکەن و بتوانن تیایدا ئەو هاریکارییانە وەربگرن کە پێویستییانە و هیوایەکی نوێ بۆ ژیانی خۆیان بدۆزنەوە. وارگەکەمان لە ناوچەی شارلۆتنبورگ-ڤیلمەرسدۆرفە و ٦ نێوجەوان لەخۆ دەگرێت.
ئامانجەکانمان
پێوەندی
E-Mail: diwan@yekmal.de
Tel.: 030 609 831 157
تیمەکەمان: Radiye Atmaca, Zhyan Abdulkadir, Mamdouh Alshlash
ئێمە لە شارەکانی بەرلین، ئێسن، هێرفۆرد و بیلەفێلد هاریکاریی خێزان، منداڵ و جەوانان دەکەین لە بوارەکانی پەروەردەکردن، ژیانی ڕۆژانە و دۆخە سەختەکان.
لێرە ژینگەیەکی ئارام و پشتگیری پێشکەشی منداڵ و نێوجەوانان دەکەین تا بتوانن هەنگاوە سەرەتاییەکانیان لەم وەڵاتە نوێیە بنێن.