Navenda Hevdîtîna Malbatan a Navçandî û Pirzimanî li Boddinbox'ê

Komeleya Yekmalê bi vekirina Navenda Hevdîtina Malbatan, xebatên xwe ji bo malbat, zarok û ciwanan li navçeya Neuköllnê ya Berlînê berfireh dike. Ev proje ji aliyê Hikumeta Federal a Almanyayê û Hikumeta Berlînê ve di çarçoveya bernameya fona pêşkeftina bajêr "Hevgirtina civakî - Bi hev re sêwirandina jiyana civakî" de tê fînansekirin.

Navenda Hevdîtina Malbatan li Mainzer Str. 26a (Boddinbox) gelek çalakiyên heftane yên curbicur pêşkêş dike - ji şêwirmendiya civakî bigire heya derfetên fêrkarî û angebotên piştgiriyê ji bo zarok û malbatên li taxê. Hemû xebat bêpere û pirzimanî ne da ku bihêsanî bigihîje her kesî.
  
Bi hevkariya hevparên ji Torên Herêmî û projeyên me yên li Boddenboxê "Xala Têkiliyê ya dijî Tundî û Cudakariyê" û "Em bi hev re xurt in", em cihekî zindî ji bo hevdîtin, piştgirî û beşdarbûnê pêşkêş dikin ku li vir mirov û komên pir cuda bikarin hev bibînin.
  
Navenda Hevdîtina Malbatan hemû rojên Şemiyê birêkûpêk angebotên ji bo malbatan pêşkêş dike. Herweha geştên li navçeyê jî pêşkêş dike da ku ezmûnên hevpar û hestek civakî ya xurttir pêş bixe. Wekî din, Navend ji bo komên dêûbavan ên xwe-rêxistinkirî û dilsoz vekirî ye. Ew dikarin li gorî rêkeftinê, li ba me cihek ji bo civîn û çalakiyan xwe peyda bikin.

Armanca projeyê ew e ku di nav taxê de enerjiyek hevpar biafirîne û bi hevkariyek nêzîk bi hevparên curbicur re, bi awayê herî baş piştgirî û rêberiya malbatên li taxê bike. Navenda me xwe wekî xalek têkiliyê ya pêbawer û cihekî pêşwazîkar li taxê dibîne ku mirov dikarin lê bicivin, nêrînan pevbiguherînin û piştgiriyê bidin hev.

Pêwendî

E-Mail: familie@yekmal.de 
Rêvebera projeyê: Sonja Galler 
Xebatkarên projeyê: Rezan Aksoy, Nooshin Poorkhodadadsanjabi 
Cih: Mainzer Str. 26a, 12053 Berlin 

Piştgirên darayî

Ev proje ji aliyê Hikumeta Federal a Almanyayê û Hikumeta Berlînê ve di çarçoveya bernameya "Sozialer Zusammenhalt – Zusammenleben im Quartier gemeinsam gestalten" tê fînansekirin.