٢٥ی نۆڤەمبەر - رۆژی جیهانیی بەرەنگاربوونەوەی تووندوتیژیی دژی ژنان

لە ٢٥ی نۆڤەمبەر - ڕۆژی جیهانیی بەرەنگاربوونەوەی تووندوتیژیی دژی ژناندا، ئێمە وەک ڕێکخراوی یەکماڵ دەنگی خۆمان لە دژی هەموو جۆرەکانی تووندوتیژی بەرز دەکەینەوە. تووندوتیژیی دژ بە ژنان کێشەیەکی جیهانییە کە لە هەموو جڤاک و فەرهەنگەکاندا بەدی دەکرێت. بەرپرسایەتی لە ئەستۆی هەموومانە کە لە دژی بووەستینەوە.

ئێمە وەک ڕێکخراوێک کە لە بواری بەهێزکردن و پشتگیریکردنی خێزانەکاندا چالاکین، بە ئەرکی خۆمان دەزانین کە بەرەنگاربوونەوەی تووندوتیژی بکەینە بنەمای کارەکانمان. ئێمە لەم ڕۆژەدا داوای دایەلۆگ دەکەین دەربارەی پەروەردەی ناتووندوتیژ، پەروەردەی یەکسانیی زایەندی و بەشداریی جڤاکی تا ببنە هۆی بەرزکردنەوەی هۆشیاری دەربارەی ئەو کێشەیە.

بۆ تێکۆشان لە دژی تووندوتیژی، هەم ڕێکاری پێکهاتەیی هەم گۆڕانکاریی جڤاکی پێویستن. بۆ ئەو مەبەستە داوا دەکەین:

• پشتگیریی ژنان و منداڵانی زیانمەند بکرێت و بپارێزرێن.
• لە ڕێی پەروەردەیی و هۆشیارییەوە زیاتر پەرە بە بەرەنگاربوونەوەی تووندوتیژی بدرێت.
• ڕێکاری قانوونیی بەردەوام لە دژی تاوانبارانی تووندوتیژی بگیرێتە بەر.

تووندوتیژیی دژ بە ژنان بابەتێکی تایبەتی نییە، بەڵکوو کێشەیەکی جڤاکییە و کاریگەری لە جڤاکەکەمان دەکات. وەرن با ئەمڕۆ و هەموو ڕۆژێک لەپێناو جیهانێک خەبات بکەین کە ژنان و کچان تیایدا بتوانن بە ئازادی و بێ ترس بژین.

پێکەوە دەڵێین: تووندوتیژی بوەستێنن - هەر ئێستا!

ژن ژیان ئازادی