سەرەتایەکی باش بۆ چالاکییەکانی پڕۆژەیەکمان لە نۆیکۆلن

ڕێکەوتی ٢٥ی نۆڤەمبەری ٢٠٢٤، بەشێوەیەکی سەرکەوتوو یەکەمین ئیڤێنتی پڕۆژەی "خاڵی پێوەندی لە دژی تووندوتیژی و هەڵاواردن"  و تۆڕی تایبەتمەندی بەرەنگاربوونەوەی تووندوتیژی و هەڵاواردن لە نۆیکۆلن بەڕێوەچوو.

لە کاتژمێر ١٠ تا ١٤ لەگەڵ هاوبەشەکانمان لە تۆڕە تایبەتمەندەکان، زانیاری ئاڵوگۆڕ کرا، گفتوگۆ کرا و بە چڕی کارمان لەسەر هەنگاوەکانی ساڵی داهاتوو کرد. بەرنامەکە بە بەخێرهاتنی کەسەکی و خۆناساندن دەستی پێکرد. ئەمەش کەشوهەوایەکی کراوە و گەرمی بۆ ئامادەبوان ئافراند. ڕوونکردنەوەی ئامانج، ئۆفەرەکان و هاوکاری لەگەڵ نووسینگەی تۆماری نۆیکۆلن و پڕۆژەی بەشداری و هێزدارکردن "ئێمە پێکەوە بەهێزین"، زەمینەساز بوو بۆ هەڵسەنگاندنی دۆخی ئێستای کار و چالاکییەکان.

ئاڵوگۆڕی بابەتی لە گرووپی بچووکدا، دەوڵەمەندییەکی تایبەت بوو کە تیایدا پێکەوە کار لەسەر بابەتە گرنگەکان، پێویستییەکانی ئیستا و ڕوانگەکان بۆ ساڵی ٢٠٢٥ کرا. بەشداران ئەزموون و بیرۆکە بەهادارەکانی خۆیان کۆکردنەوە و پێشکەشیان کردن.

ئاڵنگارییە سەرەکییەکانی وەک نەژادپەرستی و شێوەکانی دیکەی هەڵاواردن بوونە بەشێک لە ڕۆژەڤی ئیڤێنتەکە. لە هەمان کاتدا خواستی ئامادەبوان بۆ جڤاتسازی و هاوپشتی هاتە ئاراوە. وەک گرتنەبەری ڕێوشوێنیش، پێشنیازی سازکردنی وۆرکشۆپی دیکە، ڕاوێژکاریی سەرەتایی و چالاکیی هێزدارکردن کران.

لە کۆتایی بەرنامەکەدا خوولێکی دیکەی ڕاگۆڕینەوە بەڕێوەچوو کە تیایدا بۆچوونی کەسەکی و خواستەکان بۆ هاوکاریی داهاتوو ئاڵوگۆڕ کران. زۆر سپاس بۆ هەموو بەشداران کە بە کراوەبوون و پابەندبوونی خۆیان ئەم ئیڤێنتەیان سەرخست. هەروەها سپاسی تیمی ڕێکخستنی ئەم ئیڤێنتە دەکەین. ئەنجامی ئەم کارە ڕاستەوخۆ دەبێتە بەشێک لە پلانی ساڵی ٢٠٢٥. هیوادارین پێکەوە زۆر شت بەدەست بێنین.