ڕێبەرانی ئینتەگراسیۆن لە فریدریشسهاین-کرۆیتسبێرگ

لە ١ی تەمووی ٢٠٢٥ بەدواوە، یەکێتیی خێزانە کوردستانییەکان لە ئەڵمانیا (یەکماڵ) پڕۆژەی "ڕێبەرانی ئینتەگراسیۆن لە فریدریشسهاین-کرۆیتسبێرگ" لەئەستۆ دەگرێت. ١٣ کارمەند هاریکاریی پەنابەر و کۆچبەرە تازەکان دەکەن لە ناوچەکە. ئەوان کە پێکهاتە و ئاڵنگارییەکان لە ئەڵمانیا باش دەناسن، وەک نێوانگری زمانی و فەرهەنگی کار دەکەن و دەتوانن لەگەڵ دامەزراوە و فەرمانگەکان پردی پێوەندی بونیاد بنێن و پڕۆسەی بەشداری ئاسان بکەن. هەموو ئۆفەرەکانی پڕۆژەکە بەخۆڕایین و ڕۆژانی دووشەممە تا هەینی لە کاتژمێر ٩ تا ١٥ دەتوانن بۆ ئەم بابەتانە پێوەندیمان لەگەڵ بگرن:

• زانیاریی سەرەتایی لەسەر پێکهاتە بیرۆکراتییەکان و کاروباری کارگێڕی لە ناوچەی فریدریشسهاین-کرۆیتسبێرگ و بەگشتی لەسەر سیستەمی سۆسیال لە ئەڵمانیا.
• زانیاری و ڕاوێژکاریی سەرەتایی لەسەر مووچەی بێکاری، مووچەی بورگەرگێلد، مووچەی منداڵ، کرێی خانوو، ڤی بی ئێس و هتد...
• پشتگیری لە ئامادەکردنی بەڵگەکانی پێشکەشکردنی داواکاری و پڕکردنەوەی فۆڕم.
• هاریکاری لە کاروباری دامەزراوە و فەرمانگەکان (وەک دەزگەی کۆچبەران، نێوەندی کار و ئاژانسی کار)
• نێوانگری زمانی بۆ کۆبوونەوەکانی دایکان و باوکان لە فێرگەکان.
• ڕاوێژکاریی ڕەوانەکردن بۆ نێوەندە ڕاوێژکارییە تایبەتمەندەکان.
• نێوانگری زمانی و فەرهەنگی لە ڕێی کاتژمێرەکانی ڕاوێژکاری لە شوێەکانی حەوانەوە لە ناوچەکە.

بەم پڕۆژەیە، کۆمەڵەی یەکماڵ زیاتر فرەفەرهەنگی دەبێت، لەبەرئەوەی کارمەندەکانمان بەم زمانانەی خوارەوە هاریکاری پێشکەش دەکەن؛ ئەڵمانی، کوردی (کورمانجی - سۆرانی)، ئامهاری، عەرەبی، ئارامی، ئینگلیزی، فارسی، ئیتاڵی، فەڕەنسی، ڕۆمانی، ڕووسی، ئیسپانی، پولار، ڤۆلۆف\مۆسی، تیگرینی، تورکی و ڤێتنامی

پێوەندی

E-Mail: integrationslotsen@yekmal.de
بەڕێوەبەری پڕۆژە: فرانچیسکۆ ڤێلیئای

پشتیوانی دارایی

ئەم پڕۆژەیە لە چوارچێوەی بەرنامەی هەرێمیدا لە لایەن بەڕێوەبەرایەتیی کار، سۆسیال، یەکسانی، ئینتگیراسیۆن، فرەڕەنگی و دژەهەڵاواردن-ی سێناتی بەرلین پشتگیریی دارایی دەکرێت و بە هاوئاهەنگی لەگەڵ ئۆفیسی بەشداریی بەڕێوەبەرایەتیی ناوچەی فریدریشسهاین-کرۆیتسبێرگ جێبەجێ دەکرێت.