دەرووندروستی لە خێزاندا

لە چوارچێوەی نانی بەیانیی خێزاندا، ڕۆژی ٢٧ی حوزەیرانی ٢٠٢٥ لقی یەکماڵ لە شاری ئێسن پێشوازی لە فیلیپ لانگە لە نێوەندی پسپۆڕیی دایک-باوکایەتی و نەخۆشیی دەروونی (ELSe) کرد. بەڕێز لانگە بابەتێکی پڕ لە زانیاری و سەرنجڕاکێشی لەبارەی کار و ئامانجەکانی ئەو دامەزراوەیە پێشکەش کرد. 

ئەو نێوەندە، ئۆفەرێکی نێودیسیپلینیی فەرمانگەی تەندروستی و ئینستیتووی دەروونیی نەوجەوانان (JPI)ی شاری ئێسنە. سەرنجی لەسەر پشتگیریی ئەو دایک و باوکانەیە کە بەرکەوتەی نەخۆشییە دەروونییەکان یان ئاڵوودەبوونن. سەرنجی نەک تەنیا لەسەر دایکان و باوکان، بەڵکوو لەسەر منداڵان و تەواوی ژینگەی خێزانە.

بەڕێز لانگە تێگەیشتنێکی هێژای بە ئێمە دا لەسەر ئەو ئاڵنگارییانەی کە خێزان لەو بارودۆخانەدا ڕووبەڕووی دەبێتەوە. هەروەها باسی گرنگیی پێوەندیی متمانەیی، تۆڕی بەهێزی پشتگیری و پێشخستنی هۆشیاریی جڤاکی کرد. نێوەندەکە چالاکانە کار دەکات بۆ بەهێزکردنی ئەو پێکهاتانە و هاریکاریکردنی بەرکەوتوان.

زۆر سپاسی بەڕێز لانگە دەکەین بۆ سەردانەکەی و پێشکەشکردنی ئەو بابەتە گرنگە. قسەکانی ناوبراو دەریانخست کە بۆ پشتگیریی کاریگەرانەی ئەو خێزانە بەرکەوتوانەی ڕووبەڕووی کێشەکانی دەرووندروستی دەبنەوە، پێویستی بە تۆڕبەندی و کاری نێودیسیپلینی هەیە.