گەشتی گرووپی ژنان بۆ باخچەی ئینتەرکولتوورێلە گارتن

ڕۆژی ٥ی ئەیلوولی ٢٠٢٥، گرووپی ژنانی نێوەندی خێزانی ڕەنگین گەشتێکیان بۆ باخچەی نیۆ کورتولێرە گارتن لە ناوچەی لیشتنبێرگی بەرلین ئەنجام دا. ئامانج ئەوە بوو ڕۆژێک پێکەوە لە سروشتدا بەسەر بەرن و نەریتە کوردییەکان زیندوو بکەنەوە.

بەشداربووان خواردنی کوردەوارییان ئامادەکردبوو، یادی سەردەمی منداڵی و زێدی خۆیان کردەوە. بە تایبەت برژاندنی کولێرە بە تەنوور سەرنجڕاکێش بوو – وەک جاران بە هەرەوەزی، وەک ئەوەی لە کوردستان باوە.

ڕۆژەکە نەک تەنها دەرفەتی چێژوەرگرتن لەنێو سەوزایی ڕەخساند، هاوکات هەلی زیندووکردنەوەی یادەوەرییە فەرهەنگییەکان، هاوبەشکردنی ئەزموونەکان و بەهێزکردنی ڕۆحی جڤاکی ڕەخساند.