ئاڵوگۆڕ لەگەڵ زانکۆی ڕۆژاڤا

ڕۆژی ٢٢ی شوبات بەڕێوەبەری گشتیی یەکماڵ گونای داریجی بەشێوەیەکی سەرهێڵ بەشداری لە پانێڵێکی زانکۆی ڕۆژاڤادا کرد کە بەبۆنەی ڕۆژی جیهانیی زمانی دایک لەبارەی "پەروەردە بە زمانی کوردی" ڕێکخرابوو.

ساتێکی زۆر تایبەت بوو کە بتوانین لەگەڵ هۆگر و پێوەندیدارانی زمان، ناسنامە و پەروەردە باسی چالاکییەکانی ڕێکخراوەکەمان لە دیاسپۆرا بکەین.

بەڕێوەبەرەکەمان کارە ماوەدرێژەکانی ڕێکخراوی یەکماڵ و ئەکادیمیای یەکماڵی ناساند. بە تایبەت پابەندبوونمان بە پێشخستنی زمانی کوردی لە زارۆخانەی کوردی – ئەڵمانی لە بەرلین و هاوکارییەکانمان لەگەڵ فێرگە حکوومییەکان لە سەرانسەری ئەڵمانیا.

کاتێک ڕێگە بە منداڵ بدرێت بە زمانی زگماکیی خۆی قسە بکات و فێر بێت، نەک تەنها لە رووی زمانزانییەوە پێشدەکەوێت، هاوکات باوەڕبوونی بە خۆی، ناسنامەی خۆی و هەستی پەیوەستبوون بەهێز دەبێت.

• زمانی ئێمە بیرەوەریمانە.
• زمانی ئێمە بەرخۆدانە.
• زمانی ئێمە داهاتووە.

ئەم ئاڵوگۆڕە جارێکی دیکە دەریخست کە ئێمە بەشێکین لە بزاڤێکی گەورەتر کە لەپێناو دادپەروەریی زمانی و نیشاندانی فەرهەنگی تێدەکۆشێت.