ئەمڕۆ یەکەمین نیووزلێتەری یەکماڵ بڵاوکرایەوە

بەخۆشحاڵییەوە ئەمڕۆ یەکەمین هەواڵنامەی کۆمەڵەکەمان (یەکێتیی خێزانە کوردستانییەکان لە ئەڵمانیا) بە شێوەیەکی سەرهێڵ بڵاوکرایەوە. لە ئەمڕۆ بەدواوە ئەم نیووزلێتەرە مانگانە جارێک بە زمانی ئەڵمانی و کوردیی کورمانجی دەگاتە دەستتان. 

ئێمە دەمانەوێت پەیوەندییەکانمان لەگەڵ ئێوە گەشتر بکەین و ڕاستەوخۆ زانیاری دەربارەی کار، چالاکی و پڕۆژەکانمان لەگەڵ ماتەریاڵ بۆ منداڵان و خێزانەکان بگەیەنینە ئێوە. کۆمەڵەکەمان ٣٠ ساڵی پڕ لە کار و خەباتی لە دوای خۆی بەجێهێشت و دەمانەوێت پێکەوە بۆ ئایندەیەکی باشتر پشتیوان و هاوکار بین. 

لە یەکەمین نیووزلێتەرماندا، لێدوانی بەڕێوەبەری کۆمەڵەکەمان گونای داریجی هەیە دەربارەی سییەمین ساڵیادی دامەزراندنی یەکماڵ. هەروەها بەڵگەفیلمێک و برۆشوورێک هەیە دەربارەی کار و خەباتی ٣٠ ساڵی ڕابردووی کۆمەڵەکەمان کە ئێوە دەتوانن سەیری مێژوو و گەشەکردنمان بکەن و ئایندەمان ببینن. 

هەر لەم نیووزلێتەرەدا دەربارەی کار و چالاکییەکانی مانگی ئایار بە تایبەتیش ئەوانەی لە چوارچێوەی ڕۆژانی کولتووری کوردی و ڕۆژی زمانی کوردی ساز کراون، زانیاری و ڤیدیۆ هەن. ئێمە منداڵانیشمان لەبیر نەکردوون، کتێبی جووتەزمانی و ڤیدیۆچیرۆکیی کوردیشی تێدایە. 

ئەگەر ئێوەش پێتان خۆشە نیووزلێتەری یەکماڵ بگاتە دەستتان، تکایە ناو و ئیمەیڵی خۆتان بۆ ئەم ئیمەیڵە بنێرن:medien@yekmal.de