یەکماڵ ڕۆژی خێزانی بەرز ڕاگرت

ڕۆژی ١٥ی ئایاری ٢٠٢٥ ڕێکخراوی یەکماڵ لە نێوەندی خێزانی ڕەنگین لە بەرلین بە هاوکاری لەگەڵ ڕێکخراوی کوریۆزۆ ١٥ی ئایار - ڕۆژی خێزانی بەرز ڕاگرت. لەو چالاکییەدا تیمی ڕاوێژکاریی نێوفەرهەنگی بۆ ژنانی دووگیان کە سەر بە ڕێکخراوەکەمانە بەشداری کرد.

پێکەوە بەدەم خواردن و خواردنەوەی سووک پاشنیوەڕۆیەکی خۆشمان بەسەر برد. بە هاوکاری لەگەڵ ڕێکخراوی کوریۆزۆ چەندین ئۆفەری کردەکی پێشکەشی منداڵان کران کە بۆ جووڵە، پەیدۆزی و تاقیکردنەوە هاندەر بوون. 

لە کۆتاییدا لەگەڵ دایکان و باوکان گفتوگۆیەکی خۆشمان کرد. باسی گرنگیی ڕۆژی خێزان و چۆنەتیی بەڕێوەچوونی ژیانی خێزانیی بەشداربوانمان کرد.