چالاکیی زارۆخانەی پییا بەبۆنەی ڕۆژی زمانی کوردی

ئەم ساڵیش لەگەڵ منداڵ و خێزانەکانی هەردوو زارۆخانەی پییا لە ڤێدینگ و کرۆیتسبێرگ ١٥ی ئایار - ڕۆژی زمانی کوردیمان بەرز ڕاگرت. بەشێکی  تایبەتی چالاکییەکە برژاندنی نان بوو لە فڕنی قووڕیندا. ئەمەش بووە هۆی دڵخۆشی منداڵان و گەورەساڵان. 

دایکان و باوکانی ئینیسیاتیڤی Alav AG کە پێوەندیدارن بە ماتەریالەکانی پەروەردەی زمانی کوردی، هەروەها نوێنەرانی دایکان و باوکان بە چالاکی جۆراوجۆر ڕۆژەکەیان دەوڵەمەندتر کرد. لەگەڵ منداڵان گۆرانیان گوتن، پێشبڕکێیەکی سەرنجڕاکێشیان ڕێکخست و بە موزیک و هەڵپەڕکێ کەشوهەوایەکی شاد و یەکگرتوانەیان دروست کرد.