چالاکیی ''Welcome-Baby'' لە نێوەندەکانی خێزان-ی یەکماڵ

ئەو خێزانانەی تەمەنی منداڵەکانیان تا بەر لە قۆناغی فێرگەی سەرەتاییە، دەتوانن لە نێوەندەکانی خێزانی یەکماڵ لە بەرلین لە چەندین ڕاژە و هەلی پشتگیری لە کاروباری ڕۆژانەی خێزاندا سوودمەند بن.

لەو چوارچێوەیەدا، ڕۆژی ٢١ی ئایاری ٢٠٢٥ چالاکییەکی تایبەت بە ناونیشانی " Welcome Baby - بەخێرهاتی کۆرپە" ساز کرا. ئەم چالاکییە بە تایبەت بۆ ئەو دایک و باوک و خێزانانە بوو کە کۆرپەیان هەیە یان لە چاوەڕوانی لەدایکبوونی کۆرپەدان. ئامانج ئەوە بوو کە ڕاژەکانی خۆیان بناسێنن و دەستگەیشتن بە ڕاوێژکاری و زانیاری ئاسانتر بکەن - بە تایبەت لە بواری هاریکاریی دەستبەجێدا. 

لە هەردوو نێوەندی خێزانی ڕەنگین و نێوەندی خێزانی های دێک-ی سەر بە یەکماڵ، خێزانە جەوانەکان هەلیان بۆ ڕەخسا کە لە کەشوهەوایەکی ئارامدا زانیاری لەبارەی ڕاوێژکاریی دووگیانی و بەرنامەی مانگانەی هەردوو نێوەندەکە وەربگرن. 

ڕاوێژکاریی نێوفەرهەنگی بۆ ژنانی دووگیان بەشێوەیەکی هەستیار لە ڕووی فرەزمانی و فرەفەرهەنگی لەبارەی دووگیانی، لەدایکبوون، چاودێریی تەندروستی، خۆراک، کێشە قانوونییەکان و ڕاژەکانی پشتگیری لە کاتی دژوارییەکانی دووگیانیدا زانیاری دەخاتەڕوو. ئامانج ئەوەیە کە خێزان سەرەتا بەهێز بێت و بارودۆخی ژیانی کەسی لەبەرچاو بگیرێت.

ئێمە سپاسی هەموو خێزانەکان دەکەین بۆ پێشوازییان لەم چالاکییە و بەهیوای چالاکیی دیکەین لە داهاتوو!