هاوکاری لەپێناو فەرهەنگ و جڤاکی کوردی لە ئەڵمانیا

فێستیڤاڵی هونەر و فەرهەنگی کوردی لە بەرلین کە لە لایەن نێوەندی فەرهەنگ و هونەری میتانی ڕێکخرابوو، ڕۆژانی ٦ تا ٩ی حوزەیرانی ٢٠٢٥ لە بەرلین بەڕێوەچوو. ئەم ساڵ ڕێکخراوی یەکماڵ هاوکاری ئەم فێستیڤاڵە فەرهەنگییە گرنگە بوو.

بەڕێوەبەری گشتیی یەکماڵ گونای داریجی لە مەڕاسیمی کردنەوەی فێستیڤاڵەکەدا گوتەیەکی پێشکەش کرد و باسی گرنگیی ئەو جۆرە فێستیڤاڵانەی کرد بۆ پاراستن و نیشاندانی فەرهەنگی کوردی لە ئەڵمانیا. هەروەها سپاسی نێوەندی میتانی کرد بۆ ڕێکخستنی ئەم بۆنەیە و گوتی: ئەم چالاکییانە بۆ ئاڵوگۆڕی فەرهەنگی و پێشخستنی بەشداری جڤاکی زۆر گرنگن.ئاماژەشی بە کار و چالاکییەکانی یەکماڵ کرد بە تایبەت لە بوارەکانی پەروەردە، فێرکاری و جڤاکیدا.

دواتریش بەڕێوەبەری گشتیی یەکماڵ گونای داریجی لەگەڵ بەڕێوەبەری فێستیڤاڵ ماکسیم عیسا بەشدارییان لە بەرنامەی "دیاسپۆرا"ی تۆڕی میدیایی ڕووداو کرد. لەو هەڤپەیڤینەدا باس لە فێستیڤاڵ، بارودۆخی جڤاکی کورد لە ئەڵمانیا و کار و چالاکییە جیاجیاکانی ڕێکخراوە کوردییەکان کرا.

ئێوە دەتوانن لە ڕێی ئەم بەستەرەوە بینەری تەواوی هەڤپەیڤینەکە بن:

"Li Berlînê Festîvala Huner û Çanda Kurdî hat lidarxisti"