وۆرکشۆپی وێنەگری بۆ منداڵان لە بەرلین بەڕێوەچوو

ڕۆژانی ٥ بۆ ١٤ی ئابی ٢٠٢٥ وۆرکشۆپێکی وێنەگری بۆ منداڵان لە نێوەندی خێزانی ڕەنگین لە بەرلین بەڕێوەچوو. هەردوو وێنەگر فاتمە چەلیک و سەچل یەرسل ڕێبەری وۆرکشۆپەکە بوون. وۆرکشۆپی چوارڕۆژەی وێنەگری لەگەڵ منداڵانی تەمەن جیاواز لە مانگی ئابی گەرمی ٢٠٢٥دا بوو بە گەشتێکی ڕۆژانەی دۆزینەوە.

لە ڕۆژی یەکەمدا، دوای چەند یارییەکی گەرمکردنەوە، ڕووبەڕووی نهێنی ژووری تاریک بووینەوە. ئێمە خەریکی کاری کامێرای کۆن بووین، لەگەڵ ئەوەشدا کامێرای دیجیتاڵی و ئەنەلۆگمان شان بە شانی یەکتر بەراورد کرد بۆ ئەوەی بزانین ڕابردوو و ئێستا چۆن وێنەی گیراوە. بە بەکارهێنانی سکێچی پۆرترێت، مەشقمان دەکرد کە لە نزیکەوە سەیری یەکتر بکەین و ڕێگەی جێگرەوە بدۆزینەوە بۆ یەکترناسین.

لە ڕۆژی دووەمدا لەگەڵ بەشداربووانی تازە کارمان کرد بۆ دروستکردنی کۆلاج بە بڕینی گۆڤارە کۆنەکان و گێڕانەوەی چیرۆکی خۆمان.

لە ڕۆژی سێیەمدا هەوڵماندا بەبێ کامێرا چاودێری دەوروبەرمان بکەین. تەنها چوارچێوەیەکی ڕەشمان بەدەستەوە بوو تا وێنەی نوێ لە مێشکماندا بگرین. پاشان یەکەم وێنەمان بە کامێرای یەکجار بەکارهێنراو گرت و لە ڕێگەی کالیدۆسکۆپەوە سەیرمان کرد.

لە کۆتا ڕۆژدا هەموو ئەو کۆلاجانەی کە لە کەرەستەی جیاواز دروستکراون، کران بە پێشانگە. کارەکانی منداڵانمان لە شوێنە جیاجیاکانی ڕێکخراوی یەکماڵ دانا، بەم شێوەیە بەشدارییەکی بچووکمان کرد. سپاسی هەموو بەشداربووان دەکەین.