فێستیڤاڵی منداڵان لە فێرگەی سەرەتایی کۆلنیشە هایدە

ڕۆژی ١ی حوزەیرانی ٢٠٢٦ بە هاوکاری لەگەڵ نێوەندی خێزانی هایدێک-ی سەر بە ڕێکخراوەکەمان لە فێرگەی سەرەتایی کۆلنیشە هایدە فێستیڤاڵێکی منداڵان بەڕێوەچوو. چەندین منداڵ و خێزان کۆبوونەوە تا پاشنیوەڕۆیەکی پڕ لە ئافراندن، یاری، گفتوگۆ و ئەزموونی هاوبەش بەسەر ببەن.

لە فێستیڤاڵەکەدا چەندین ئانگەبۆتی هونەری بۆ منداڵان هەبوون کە بەشادی بەشدارییان تێدا کردن. منداڵان دەرفەتی ئەوەیان بۆ ڕەخسا تا بۆچوونی خۆیان بەشێوەیەکی ئازاد و هونەری دەرببڕن، شتی نوێ تاقی بکەنەوە و بەهرەی خۆیان بدۆزنەوە.

یەکێک لە چالاکییە سەرنجڕاکێشەکان کاری هاوبەش بوو لەنێوان منداڵاندا. ئەوان پشتگیریی یەکتریان کرد، بیرۆکەکانیان لەگەڵ یەکتر بەش کردن تاکوو ببینن بەشداریی کەسەکی چۆن دەکرێت ببێتە هۆی ئەزموونی ئافرێنەرانەی هاوبەش. ئەم ئاتمۆسفەرە کراوەیە، یەکتربینینی نێوان خێزانە بە پاشخان جیاوازەکانی ئاسان کرد و هەستی جڤاتی لە گەڕەکەکەدا بەهێز کرد.

فێستیڤاڵی منداڵان لەسەر بنەمایەکی پەروەردەیی سازکرابوو. منداڵان وەک شێوەپێدەری چالاکی ژینگەی خۆیان بینران و هانی بەهرەکانیان درا. هاوکات ئەم فێستیڤاڵە دەرفەتی بۆ خێزانەکان ڕەخساند تا پێکەوە پەیوەندی دروست بکەن، هاوڕێی نوێ دروست بکەن و تۆڕبەندییەکەیان بەهێز بکەن.

ئەم فێستیڤاڵانە دەبنە هۆی پێشخستنی بەشداری جڤاکی، هەستی پەیوەستبوون و یەکگرتنی جڤاکی. ئێمە بەگەرمی سپاسی هەموو منداڵان، خێزانەکان، کارمەندان و هاوبەشەکانی ئەم فێستیڤاڵە دەکەین بۆ سازکردنی ئەم ڕۆژە تایبەت و سەرکەوتووە.