ئاهەنگی هاوینەی بەشی هاریکاریی منداڵان و جەوانان لە بەرلین بەڕێوەچوو

بەشی هاریکاریی منداڵان و جەوانان-ی سەر بە یەکماڵ ڕۆژی ٢٩ی تەمووزی ٢٠٢٤ لە بەرلین ئاهەنگی هاوینەی ساز کرد.

بۆ جاری یەکەم هەر سێ تیمی ئەم بەشە؛ تیمی هاریکاریی پەروەردەیی گەڕۆک، تیمی هاریکاریی پەروەردەیی جێگیر و وارگەی هاریکاریی سەرەتایی لە ئاهەنگێکدا کۆبوونەوە.

هاوکارانمان لە بەشی هاریکاریی منداڵان و جەوانان لەگەڵ خێزانەکانیان و هاوڕێکانیان لە کەشوهەوایەکی خۆشی پارکی سیڤیل لە ناوچەی کرۆیتسبێرگی بەرلین ساتێکی خۆشیان بەسەربرد. ئاهەنگەکە بوفەیەکی گەورە و هەڵپەڕکێشی لەخۆ گرتبوو.

بەڕێوەبەری گشتیی یەکماڵ گونای داریجی لە گوتەیەکدا سپاسی هەوڵ و ماندبووبوونی کارمەندانی یەکماڵی کرد. دواتر ماڵئاوایی لە چەند هاوکارێک کرا و بەگەرمیش پێشوازی لە کارمەندێکی نوێ کرا.

ئاهەنگەکەمان سەرکەوتوانە بەڕێوەچوو و ڕۆ‌حی کاری تیمی بەهێزتر کرد و دەرفەتی ساتێکی خۆشیشی بۆ هەموو بەشداران ڕەخساند.