ڕاوێژکاریی قانوونی کۆچبەری بۆ کۆچبەران و پەنابەران

ئێمە لەبارەی هەموو بابەت و کێشەکانی پێوەندیدار بە کۆچکردنتان بۆ ئەڵمانیا و مافی مانەوەتان، ڕاژەی ڕاوێژکاریی قانوونی پێشکەش دەکەین؛

• بەرنامەکانی تۆمارکردن و یەکگرتنەوەی خێزان
• قانوونی کۆچی کرێکارە پسپۆڕەکان
• مافی نیشتەجێبوون و ڕوانگەکانی مانەوە
• مافی مانەوەی هەمیشەیی
• ڕاوێژکاری لەبارەی وەرگرتنی وەڵاتینامە
• مافی نیشتەجێبوون بۆ منداڵ یان ئەندامانی دیکەی خێزان
• هاوکاری لە کاتی مامەڵەی وەرگرتنی بەڵگەنامەکانی وەک بڕوانامەی هاوسەرگیری، بڕوانامەی مردن، پەسەندکردنی باوکایەتی و پاسپۆرتدا
• کاروباری ڤیزە
• داواکارییەکان بۆ فەرمانگەی کۆچ و فەرمانگەکانی دیکەی هەرێمی بەرلین

ئێمە بۆ وەرگرتنی مافە قانوونییەکانتان لەبارەی هەموو ئەو بابەتە قانوونییانەی پێوەندییان بە مافی نیشتەجێبوون، یەکگرتنەوەی خێزان، کۆچی کرێکارە پسپۆڕەکان و وەرگرتنی وەڵاتینامە هەیە، ڕاوێژتان پێشکەش دەکەین. ئامانجمان ئەوەیە کە چارەسەر بۆ هەر کێشەیەک بدۆزینەوە. لە ڕێی پێدانی زانیاری و ڕاوێژ، دەمانەوێت ئێوە بتوانن بە مافەکانتان ئاشنا بن و ئەو ئاڵنگارییانە تێپەڕێنن کە لە فەرمانگە و دامودەزگەکانی حکومەتدا ڕووبەڕووتان دەبنەوە.

ئێمە لە چوارچێوەی تۆڕی نێوەندەکانی ڕاوێژکاریی بەرلیندا، لەگەڵ نێوەندەکانی دیکەی ڕاوێژکاری و چەندین هاوبەش هاوئاهەنگی دەکەین. لەنێو ئەواندا Xenion، Zentrum Überleben، نێوەندە ڕاوێژکارییە تایبەتمەندەکان، پارێزەران، پزیشک و دامودەزگە پەروەردەییەکان. 

تیمەکەمان

تیمەکەمان لە مافناسان و کارمەندانی جڤاکی پێک دێت و چاوەڕوانی ئێوەیە!

• کۆرنێلیا ڕازولیس، پەروەردەکاری جڤاکی
• ئەلچین یالچین، مافناس
• جەلال محەمەد ئەمین، مافناس
• شتێفان کۆلنەر، پشتگیری قانوونی

ئێمە بە زمانەکانی ئەڵمانی، کوردی، عەرەبی، تورکی، فارسی و ئینگلیزی ڕاوێژتان پێشکەش دەکەین!

کاتەکانی کارکردن

• دووشەممە تا هەینی: کاتژمێر ٩-١٧
• ڕاوێژکاری تەنیا بە وەرگرتنی تەرمین دەبێت!
• تەرمین لە ڕێی تەلەفۆن یان ئیمەیڵ وەردەگیرێت!

پێوەندی

Festnetz: 030 616 25 848
Handy: 0157 348 79 140
WhatsApp: 0157 348 79 140
E-Mail: beratung@yekmal.de

Karl-Marx-Straße 172, 12043 Berlin-Neukölln

پشتگیریی دارایی