دیداری گفتوگۆ – بەشداریی دایکان و باوکان لە زارۆخانە و فێرگەکان

پرسیاری سەرەکی کە لە ڕۆژەڤی ئەم ئیڤێنتەدایە ئەوەیە؛ دایکان و باوکانی بە پاشخان کۆچبەر، چییان پێویستە بۆ ئەوەی چالاکانە بەشداری لە پڕۆسەی پەروەردەی منداڵەکانیاندا بکەن؟ ڕێکخراوە سڤیلەکانی کۆچبەران و دامودەزگە پەروەردەییەکان دەتوانن چ ڕۆڵێک بگێڕن بۆ پشتگیریکردن لەو بەشدارییە؟

ئەم پرسیارانە سەرەتا لە لایەن کاراکتەرە جیاجیاکانی پانێلەکە، لە ڕوانگە جیاوازەکانی دایکان و باوکان، ڕێکخراوە سڤیلەکانی کۆچبەران و دامودەزگە پەروەردەییەکانەوە تۆژینەوەیان لەسەر دەکرێت. ئامانج ئەوەیە کە مرۆڤ بزانێت چ بەربەستێک لە بەردەم بەشداریی دایکان و باوکان لە زارۆخانە و فێرگەکان هەیە، هەروەها دامەزراوە پەروەردەییەکان دەتوانن چی بکەن بۆ پێشخستنی بەشداریی دایکان و باوکان.

لە دوای گفتوگۆی پانێڵەکە بە سێ شێواز ڕا و ڕوانگەکانمان قووڵ دەکەینەوە. پێکەوە کار دەکەین و پەرە بە بیرۆکەی کۆنکرێتی دەدەین بۆ ئەوەی لە ڕوانگەی دایکان و باوکانی کۆچبەرەوە هەڵوێستێک دەربارەی بەشداریی دایکان و باوکان بێنینە ئاراوە. ئەم ئەنجامە دەبێتە بنەمایەک بۆ کاری داهاتوومان و لە ساڵی ٢٠٢٥ بۆ ڕای گشتی ئاشکرای دەکەین.

بەگەرمی بانگهێشتتان دەکەین بۆ ئەوەی ئەزموون، ڕوانگە و بیرۆکەکانتان لەگەڵ ئێمە بەش بکەن. تا بتوانین پێکەوە ڕێگەیەک بدۆزینەوە بۆ ئەوەی دامەزراوە پەروەردەییەکان بتوانن بەشداری و ڕۆڵی دایکان و باوکان بەهێزتر و بەردەوام بکەن.

ڕێکەوت: سێشەممە، ٢٦ی نۆڤەمبەری ٢٠٢٤
کاتژمێر: ١٣-١٧
ناونیشان: Hardenbergstraße 22–24, 10623 Berlin
نرخ: بەشداریکردن بەخۆڕاییە
ناونووسی: پێویست نییە
هاوبەشمان لەم ئیڤێنتەدا: Berliner Landeszentrale für politische Bildung

» بەرنامە

ئەم دیدارە لە چوارچێوەی پڕۆژەکەمان "STaP vorwärts"دا بەڕێوە دەچێت. وەزارەتی کار، سۆسیال، یەکسانی، ئینتیگراسیۆن، فرەڕەنگی و دژەهەڵاواردن-ی سەر بە سێناتی بەرلین لە چوارچێوەی بەرنامەی بەشداری و ئینتیگراسیۆن پشتگیریی دارایی پڕۆژەکە دەکات.