ڕۆژی زمانی کوردی لە زارۆخانەی پییا کرۆیتسبێرگ بەرز ڕاگیرا

ڕۆژی ١٥ی ئایاری ٢٠٢٤ لە زارۆخانەی پییا لە کرۆیتسبێرگی بەرلین ڕۆژی زمانی کوردی پیرۆز ڕاگیرا. ئەمساڵ گرووپی ئالاڤ ئاهەنگێکی گەورەی بۆ ساز کردین. ئەم گرووپە کە لە دایک و باوکانی دڵسۆز و پسپۆڕانی پەروەردەیی پێکهاتووە، بۆ پێشخستنی ماتەریاڵی پەروەردەیی بە زمانی کوردی و هەڵسەنگاندنی بەکارهێنانیان لە زارۆخانەکان، دامەزراوە.

بەرنامەکە بە شانۆیەکی شکۆدار بە ناوی “شەنگێ و پەنگێ” دەستی پێکرد کە لە لایەن منداڵان خۆیانەوە بە زمانی کوردی – بەبێ هاریکاریی گەورەساڵان پێشکەش کرا. بینینی خۆباوەڕی و دڵخۆشیی منداڵەکان لەسەر شانۆ، ئەزموونێکی سەرنجڕاکێش بوو بۆ دایکان و باوکان.

لە هەمان کاتدا، دایکان و باوکان کتێبی کوردییان بۆ منداڵان خوێندەوە و یاریی شەترەنجیان پێشکەش کردن.
لە ئاهەنگێکی کوردیدا بێگومان موزیک و هەڵپەڕکێ هەیە. لە کۆتایی ڕۆژەکەدا دایکان و باوکان ئامێرە موزیکییە کوردییەکانی وەک دەف و تەمبووریان لێدا. دایکان و باوکانی دیکەش لەگەڵ منداڵەکانیان هەڵپەڕکێیان کرد.

زارۆخانەکەمان لە لایەن دایکان و باوکانەوە دامەزراوە. ڕێبازەکەمان ”Early Excellence” دەستنیشانی دەکات کە دایک و باوک بۆ منداڵەکانیان پسپۆڕن. لەبەرئەوە بەشداریی دایکان و باوکان لە باخچەکەمان زۆر گرنگە بۆ ئەوەی شارەزایی و لێهاتوویی خۆیان تێکەڵی کارەکانمان بکەن و ئەو هەستەیان هەبێت کە بەشێکن لە دامەزراوەکە. ئەم ئاهەنگە دەرفەتسازی بۆ دایکان و باوکان کرد تا پسپۆڕیی دایکان و باوکان ئەزموون بکەن.