ڕۆژی زمانی کوردی لە زارۆخانەی پییا پیرۆز کرا

زارۆخانەی پییا لە ناوچەی کرۆیتسبێرگی بەرلین ڕۆژی ٢٢ی ئایاری ٢٠٢٦ لە نێوەندی خێزانی ڕەنگین لەگەڵ خێزان و منداڵان ١٥ی ئایار- ڕۆژی زمانی کوردی پیرۆز کرد. سێرەی چالاکییەکەمان لەسەر گرنگیی زمانی کوردی، فرەڕەنگیی فەرهەنگی و پێشخستنی گفتوگۆ لە نێوان خێزانەکان بوو.

بەرنامەکە بە سەرپەرشتی گرووپی ئالاڤ و گرووپێکی دایکان و باوکان بەڕێوەچوو. سەرەتا فیلمێک نمایش کرا کە تێیدا باسی پڕۆژەیەکی تایبەتی دایک و باوکێک دەکرا. فیلمەکە گرنگی بە ئامێری دەف دابوو کە لە فەرهەنگی کوردیدا پێگەیەکی گرنگی هەیە. هەروەها منداڵان بە یاوەری دوو موزیکژەن هەلیان بۆ ڕەخسا تا ئامێرەکە بناسن و ئەزموونی موزیک بکەن.

پاشان خێزانەکان لە دەوری بووفێیەکی هاوبەش کۆبوونەوە. ئەوان خواردنی ناوچەکانی خۆیان هێنابوو و پێشکەشیان کرد. ئەمەش دەروازەی گفتوگۆی سەرنجڕاکێشی لەبارەی نەریتەکان، ڕەچەتە و تایبەتمەندییە فەرهەنگییەکان کردەوە. هەروەها لەبارەی زاراوە کوردییەکان و ئەو ناوچانەی قسەیان پێ دەکرێت، گفتوگۆمان کرد. پاشخانی جیاوازی زمانی و فەرهەنگیی خێزانەکان دیدارەکەی دەوڵەمەندتر کرد و تێگەیشتنی سەرنجڕاکێشی لەبارەی شێوە جیاوازەکانی ژیان و نەریتەکان دروست کرد. منداڵانیش چێژیان لە چالاکییەکی ئافرێنەرانەی هونەری وەرگرت کە بە جۆشوخرۆشەوە بەشدارییان تێدا کردبوو. 

دواتر لەژێر تیشکی نەرمی خۆردا لە باخچەی نێوەندی خێزان پشوومان دا و لەگەڵ موزیکی کوردی هەڵپەڕین، پێکەنین و پێکەوە ئەم ڕۆژەمان پیرۆز کرد. خێزانەکان چێژیان لەم کەشە گەرموگوڕە، خواردنی خۆش و ئەو کاتەی پێکەوە بەسەریان برد وەرگرت. 

لە دڵەوە سپاسی هەموو خێزانەکان و بەشداران دەکەین بۆ ئەم ئاهەنگە سەرکەوتووە بەبۆنەی زمان و فەرهەنگی کوردی.