پڕۆژەی E-DIT Plus

لە سەرەتای ئەم ساڵەوە، لقی برێمەن-ی ڕێکخراوی یەکماڵ هاوبەشی پڕۆژەی E-DIT Plus-ە کە لە لایەن تۆڕی ڕێکخراوەکانی کۆچبەران بۆ پەروەردە و بەشداری (bbt) بەڕێوەدەبرێت. ئەم پڕۆژەیە بەشێکە لە بەرنامەی "Demokratie leben!" کە لە لایەن وەزارەتی کاروباری خێزان، بەساڵاچوان، ژن و جەوانان - هەروەها دامەزراوەی ئابریپۆرتا پشتگیریی دارایی دەکرێت. 

ئەم پڕۆژەیە لە کانوونی دووەمی ٢٠٢٥ هەتا کانوونی یەکەمی ٢٠٢٨ بەردەوام دەبێت. ئامانجێکی سەرەکیی پڕۆژەکە ئەوەیە دایکان و باوکان لە کاری دایکایەتی - باوکایەتیدا بەهێز بکرێن، لە هەمان کاتدا هان بدرێن کە چالاکانە لە کاروباریی فێرگە و جڤاکدا بەشدار بن.

کارەکانی پڕۆژەی E-DIT Plus:

• کۆنفڕانسی دایکان و باوکان؛ گفتوگۆی ڕووبەڕوو - بە پێشنیاز، ئەزموون و ئیلهام ڕاستەوخۆ لە دایکان و باوکانەوە بۆ دایکان و باوکان.
• وۆرکشۆپ: پێکەوە فێر ببن، پشتگیریی یەکتر بکەن و زانین لەگەڵ یەکتر بەش بکەن.
• تۆڕبەندیی بەهێز؛ هاوکاری لەگەڵ هاوبەشە ناوچەییەکان - بۆ نموونە یەکماڵ لە برێمەن.
• چالاکیی مەیدانی؛ لە هیلدسهایم، ڤایمار و برێمەن-گرۆپەلینگن کە زۆر جار دەرفەتی بەشداربوون کەمە، بەڵام وزەیەکی گەورە هەیە.

بەم پڕۆژەیە دەمانەوێت زەمینەسازی بکەین بۆ ئەوەی دایکان و باوکان خۆیان ڕێکخەن، خۆیان بەهێز بکەن و دەنگیان بەرز بکەن -  هەم لەپێناو خۆیان، هەم بۆ منداڵەکانیان و جڤاکەکەیان.